ஆயத்தமாகிறேன்

ஏதோ ..
தப்பு செய்து விட்டது போல்
வேகமாய் நகர்ந்து கொண்டிருந்த
மேகக் கூட்டமொன்றை
பின்தொடர்ந்தேன் ..

திரும்புகையில் ..
அவற்றில் கொஞ்சத்தை
கைது செய்து
கொண்டு வந்து கொண்டிருக்கிறேன்
இப்போது ..!

மலையில் ..
மோதிப் பிரிந்து
கலைந்த மேகங்களில் ..

கொஞ்சம்
கலந்தன .. மீண்டும் வானில்

கொஞ்சம்
பரவின .. பச்சை மரங்களில் ..

கொஞ்சம்
படர்ந்தன ..என் மேனியில் !

சில்லென்ற நினைவுகளோடும்
மேகங்களின் மிச்சத்தோடும் ..
மெல்ல கண்களை மூடியபடி
நீண்ட நாட்களுக்குப் பின்
நிம்மதியானதொரு
உறக்கத்திற்கு ஆயத்தமாகிறேன் ..!