மழை துளி உயிர் துளி
துளி
துளியாய் இம்
மண்ணில் விழுந்த
மாணிக்கமே !
முதற் கோடி மனிதனுக்கும்
கடை கோடி மனிதனுக்கும்
கடவுள் அளித்த வரமே
மழையே !
மண்ணில் நீ வீழ்ந்து
மனிதனை பசி போரில்
வெற்றி பெற செய்பவனே
விவசாயிகளின் விருப்ப
புதல்வனே !
அன்னையாய் நீ
எங்கள் தாகம் தீர்க்க
விண்ணில் இருந்து
மண்ணில் இறங்கி வந்த
அமுதசுரபியே !
தரையில் வீழ்ந்து
தரணியில் ஓடி
திக்கெட்டு திசைகளையும்
ஆள்பவனே நீ இன்றி
அமையாது இவ்வுலகம்
ஒருபோதும் !
உணவும் ஊராது
உயிர்களும் தங்காது
உன் துணையின்றி
இம்மண்ணில் !
உரக்க சொல்வோம்
உணர்ந்து கொள்ளவோம்
மழை நீர் சேகரிப்பு
நம் ஆயுள் நீட்டிப்பு
என்று !
மழை துளி
உயிர் துளி !
