ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
படைத்தனர் மாணவர்கள்
புதிய வரலாறு
ஜல்லிக்கட்டு தடை தகர்த்து !
தடை அதை உடை
உடைந்தது தடை
காளைகளின் வெற்றி !
பொன் எழுத்துக்களால்
பொறிக்க வேண்டியது
மாணவர்கள் வெற்றி !
தமிழன் என்று சொல்லடா
தலை நிமிர்ந்து நில்லடா
வாடிவாசல் வென்றதடா !
வேண்டாம்
கஞ்சத்தனம்
பாராட்டில் !
மகானாக வேண்டாம்
மனிதனால் போதும்
மனசாட்சிப்படி நட !
முடியும் என்று
முதலில் நினை
முடியும் !
முடியுமா என்ற
சந்தேகம்
தோல்வியில் முடியும் !
கவலையை மற
கவலையால் தீராது
கவலை !
நாளை என்று
நாளைக் கடத்தாதே
இன்றே முடி !
செய்ததை மற
பெற்றதை மறக்காதே
உதவி !
