சேருமணி பாட்டனால் சீர் - இன்னிசை வெண்பா
இன்னிசை வெண்பா
தந்தைதாய் பேணல் தனயர்க்(கு) இனியவணி;
எந்தைபோல் மாமிமாமன் பேணல்பெண் மக்களணி;
பேரன் பெயர்த்தி பெருமை குடும்பவணி
சேருமணி பாட்டனால் சீர்! 1
நேரிசை வெண்பா
தந்தைதாய் மூப்பின்கண் தாங்கிப் பிடித்தலும்
அந்தகன் வந்திடுமுன் ஆதரவு - தந்தே
இறைவனடி சேர்வதற்கு ஏந்தியே நின்று
மறைத்தல் புதல்வர் கடன்! 2
அந்தகன் – எமன், மறைத்தல் - காத்தல்