அம்மா திரையரங்கம்!!!

அடுத்த ஆண்டிற்குள் 5 இடங்களில் அம்மா திரையரங்கம்: மாநகராட்சி முடிவு

அம்மா உணவகம், அம்மா குடிநீர், போன்று அம்மா திரையரங்குகள் கட்டப்பட்டு மக்களுக்கு குறைந்த கட்டணத்தில் புதிய படங்களை பார்க்க வசதி செய்யப்படும் என்று சட்டசபையில் தீர்மானம் நிறைவேற்றப்பட்டது. தற்போது சென்னை மாநகராட்சி அம்மா திரையரங்கம் கட்ட 5 இடங்களை தேர்வு செய்துள்ளது.

1.புளிந்தோப்பில் உள்ள மாநகராட்சிக்கு சொந்தமான பழைய மண்டல அலுவலகம்
2.மிண்ட் பகுதியில் மாநகராட்சி கிடங்கு இருந்த பகுதி
3.வளசரவாக்கத்தில் குடிநீர் வாரிய பம்பு செட் அருகில் உள்ள பகுதி
4.கோடம்பாக்கத்தில் மாநராட்சிக்கு சொந்தமான யூனிட் இருந்த பகுதி
5.கோட்டூர்புரத்தில் மாநகராட்சிக்கு சொந்தமான காலி இடம்.

"தேர்வு செய்யப்பட்டுள்ள இடங்களில் 2 ஏக்கர் முதல் 8 ஏக்கர் வரை இடம் கிடைத்துள்ளது. ஒவ்வொரு இடத்திலும் 4 முதல் 8 தியேட்டர்கள் வரை கட்டப்படுகிறது. ஒவ்வொன்றும் 200 முதல் 250 இருக்கைகள் கொண்டதாக இருக்கும். இன்னும் ஓரிரு மாதங்களில் கட்டுமான பணி தொடங்கும், அடுத்த ஆண்டு ஜுன் மாத்திற்குள் பணிகள் முடிக்கப்பட்டு திரையரங்குகள் திறக்கப்படும்" என்று மாநகராட்சி விடுத்துள்ள அறிக்கையில் கூறப்பட்டுள்ளது.