அடச் சீ பொட்டச்சி

அடச் சீ பொட்டச்சி
=================

சிசுக்கொலைக்கு தப்பித்து

சிங்கார வாழ்க்கைப் பாக்கியம்

சின்னவள் எனக்கும்

சிறப்பாய் கிடைத்தது


சிறகடித்துப் பறக்க

சில்லறைச் சமூகத்தில்

சின்னதாய் ஒரு வானம்

சிறகுகள் கொஞ்சம் வெட்டப்பட்டே

சின்னவள் எனக்கும் !


பொட்டப் புள்ளையாய்

பொறந்தது தவறோ

பொல்லாப்பு சொல்லும் ஊரில்

பொல்லாத கோவம்

பொறக்குது எனக்குள் !


ஒப்பனை செஞ்சா

தப்பு சொல்லும் பூமி

கற்பனை செஞ்சாலும்

தப்பு சொல்லுதே !


சிந்தனைக்கு சிறகு கட்டி

சந்தையில விட்டுவிட்டா

முந்தானை முடிச்சவுக்க

சந்திக்கு கூப்புடுவாங்க !


கற்பனையா எழுதி நாங்க

விற்பனையா செய்யப் போறோம் ?


தட்டிக் குடுக்க சொன்னா

தடவிப் பார்க்கணும்மா ?

கைதட்டல் கேட்டாக்க

கட்டிப்பிடிக்க கூப்புடுரிங்க !

வாய தொறந்து கத்திபுட்டா

வையுரிங்க பொட்ட நாய்ன்னு ?

எழுத்தென்னா ஆண் சொத்தா ?

பொம்பளைன்னா வெறும் பித்தா ?


வெட்டியா பொறுக்கியா

வெவஸ்தக் கேட்டு திரியுறியே

வேட்டிய சுருட்டிக் கட்டி

வெங்காயம் வெட்டப் போ

சீலைய மடிச்சிகட்டி

சீமத்த ஆளப் போறோம் !

அப்ப வந்து சொல்லுப் பாப்போம்

“அடச் சீ பொட்டச்சி”ன்னு !
==============
எழுத்தென்னா ஆண் சொத்தா ?

பொம்பளைன்னா வெறும் பித்தா ?



கேட்டவர் : தமிழச்சி
நாள் : 18-Aug-13, 2:08 pm
0


மேலே