!!!===(((காதலொன்றே வாழ்க்கையல்ல)))===!!!
பேசாமடந்தைகளின்
மௌனங்களில்
கரைந்துகொண்டு இருக்கிறது
எமது
விக்கிரமாதித்தியர்களின்
சாமார்த்தியங்கள்...
ஆரியமாலாக்களின்
விழி ஈர்ப்பு விசைகளில்
திசைதேடும் மாலுமிகளாய்
எமது காத்தவராயன்கள்...
சிலைகளை செதுக்க முயன்று
உடைந்துபோன
பல்லவ உளிகளாய்
காதல் தோல்வியில்
எமது சிற்பிகள்...
காதலொன்றே
வாழ்க்கையென்று
முடிவுகட்டிவிட்டவர்களின் மத்தியில்
இதோ .....
கலங்கரை விளக்கமாக
எமது
லயோலா கல்லுரி மாணவர்கள்...!!!
குறிப்பு
=======
ஈழமக்கள் உரிமைக்காக நீதிகேட்டு அறவழி போராட்டத்தை முன்னெடுத்துகொண்டு இருக்கும் அனைத்து கல்லூரி மாணவ மாணவிகளுக்கும் இந்த படைப்பு சமர்ப்பணம்.
