நகைச்சுவை - பவர் ஸ்டார்
பவர் ஸ்டார் ஒரு முறை திருநெல்வேலி டவுன் இல் இருந்து மதுரைக்கு அவசர வேலையாக காரில் சென்றார். மிகவும் அவசரம் என்பதால் ஓட்டுனர் வரும் வரை காத்திருக்க முடியாமல் தானே வண்டியை ஓட்டிக்கொண்டு சென்றார்.
அவசரம் என்பதால் வண்டியை வெகு விரைவாக ஓட்டி சென்று 10 மணிநேர பயணத்தை நான்கு மணி நேரத்தில் முடித்து மதுரைக்கு அருகில் உள்ள ஊரை சென்று அடைந்தார்.
திடீரென்று அவரின் கைப்பேசியில் ஒரு அழைப்பு வர. என்னவென்று இவர் விசாரித்தார்.
ஆங்கிலம் கலந்த பேச்சில் செய்தி வந்தது கைப்பேசியில். "சித்தப்பா சீரியஸ். அட்மிட்டெட் இன் ஐ.சி.யூ., கம் பேக் இம்மீடியட் " என்றது குரல்.
இரண்டு நாள்களுக்கு பிறகு வீட்டு வாசலில் வந்து அவசரமாக இறங்கியவர் மிகவும் நொந்து கொண்டார். என்ன என்று விசாரித்தால்,
"கம் பேக் இம்மீடியட்" என்று அவசரமாக செய்தி வந்ததால் மிகவும் சிரமத்திற்கு ஆளாக நேரிட்டது. முன்னுக்கு செல்லும்போது நாலு கியர்களை வைத்திருக்கும் கார் கம்பெனி, பின்னால் வருவதற்கு ஒரே கியர் கொடுத்திருப்பது அபத்தம்" என்றாரே பார்க்கலாம்.
அவரின் புத்திச்சாலித்தனத்திற்கு ஈடு ஏது?
