சூரியன் அவள் நெற்றிப் பொட்டாய்..

வட்டச் சூரியனை சிட்டெனச் சுருக்கி,
எட்ட முடியா வான ஏட்டினிலிருந்து,
சட்டென குதித்து எட்டிப் பிடித்து,
வட்டம் சிறுக்க கிட்ட இழுத்து,
வெப்ப வாட்டம் நீக்க, நீரில் காட்டி விட்டு,
தொட்டுப் பார்த்து வட்டமாய்த் தட்டி,
கட்டு மேனி கண் பட்ட சிரத்தில்,
பட்டை என தட்டி வைத்த,
சுட்ட சூரியன் ஒளி பட்டுச் சொட்ட ,
நெற்றிப் பொட்டில் நட்டு விட்டு,
வட்டப் பொட்டை ஒட்டி விட்டாளோ...