மனமே கலங்காதே

ஏ ! மனமே
கலங்காதே !
நேற்று ,இன்று ,நாளை
என்பதை நினைத்து
மனமே கலங்காதே !

நேற்று என்பது முடிந்து விட்டது
நேற்று நடந்ததையே
நினைத்து நினைத்து
கலங்காதே !

நேற்று நடந்ததை மாற்ற
உன்னால் முடியுமா
அல்லது
என்னால் முடியுமா
எவராலும் மாற்ற முடியாத
ஒன்று .நேற்று !

எனவே
மனமே கலங்காதே !

நாளை என்பது
இன்னும் வரவில்லை.
வராத ஒன்றை
நினைத்து நினைத்து
கலங்காதே !

நாளை என்பது மாயை
நாளை என்பது நிலையானது
ஆனால்
அது வாழும் உயிர்க்கு
கேள்வி குறியானது !

எவராலும்
எதிர்பார்க்க முடியாத
ஒன்று .நாளை !

எனவே ,
மனமே கலங்காதே !

இன்று என்பது
நடந்து கொண்டிருக்கிறது .
நடப்பது என்பது
நன்றாகவே
நடந்துக் கொண்டிருக்கிறது !

நடப்பது நடந்தே தீரும்.
இன்று என்பதே
நிலையானது !

எனவே
இன்று என்பதை நினைத்து
மனமே கலங்காதே !!!