நல்ல நட்பு

நட்பின் மடியில் அமைதியாய் உறங்கும்
ஆயிரம் கோடியில் நானும் ஒருத்தி

முகம் காணாமல் முகவரி அறியாமல் இணைந்த போதும்
அகத்தில் அழியா தடம் பதித்து நிலைத்துவிட்டோம்.

பலரின் பெயர் கூட தெரியாமல்
நட்பெனும் ஓரே பெயரால் வாழ்கிறோம்.

தாய்மைக்கு நிகராக நிற்கும்
நட்புக்கு ஈடு எவ்வுலகிலும் இல்லை.

அகவைகள் ஐம்பதை கடந்தாலும்
துள்ளும் மழலையாய் நமை மாற்றிடும் உறவிது.

அழும் போது ஆறுதல் சொல்ல
ஆயிரம் உறவுகள் இருந்தாலும்

அழவே விடாத நல் நட்பில்
நாம் தொலைந்து போகின்றோம்..!!!