நறுமணம் கமழும் நந்தவனம்
நறுமணம் கமழும் நந்தவனம்
கரங்களில் ஏந்துது மலர்வனம்
விழிகளில் தெரியுது சுகவனம் !
புன்னகை பூக்குது சிறுமலர்
பொன்னகை சூடிய நறுமலர்
குறுநகை தவழ் குறிஞ்சிமலர் !
முத்துக்கள் சிதறும் முகபாவம்
துளியும் இல்லை அகம்பாவம்
இவ்வழகின் முன் ரதிதான் பாவம் !
பார்வையில் தெரியுது அபிநயம்
பார்வைக்கு தெரியுது சிற்பநயம்
படமோ இணையதளத்தின் உபயம் !
மிளிரும் தளிரிவள் தங்கச்சிலை
ஒளிரும் வையத்தில் வைரச்சிலை
குளிரும் நிலவொளியில் பளிங்குசிலை !
கொஞ்சும் அழகோ தஞ்சமிங்கே
சொல்லிட குறையும் பஞ்சமிங்கே
வாழ்த்திடும் அளவிலா நெஞ்சமிங்கே !
அழகாய் பிறந்திட்ட ஓவியமன்றோ
அழகிற்கே அழகு அலங்காரமன்றோ
அழகின் அடையாள சின்னமன்றோ !
பூந்தோட்டம் பூரிக்குது புதுதென்றலாய்
பூமகளோ பூகோளத்தின் பூக்கோலம் .
பூபாள ராகத்தின் புத்தம் புதுவடிவம் !
( உபயம் = காணிக்கை )
பழனி குமார்