காதலின் இதழோ - இராஜ்குமார்
காதலின் இதழோ ?
====================
இன்னலை அழிக்கும்
இனிய குணமே காதலோ ?
உச்சரிப்பில் உள்ளம்
உரசும் உவகையே காதலோ ?
வாய்ப்பில்லா வாழ்த்தில்
வயதை குறைப்பதே காதலோ ?
நிமிராமல் சிகரத்தை
நிழலில் தொடுவதே காதலோ ?
உடலிலிணையா உயிரை
அசைக்க நினைப்பதே காதலோ ?
இமையிழந்த கலையை
இருட்டிலும் கொடுப்பதே காதலோ ?
இறுக்கப்பட்ட இதயமும்
சுவடாக துடிப்பதே காதலோ ?
மக்கிப்போன மாளிகையின்
மண்ணை திருடுவதே காதலோ ?
- இராஜ்குமார்
நாள் : 03 - 01 - 2012
