மாறும் மாற்றம்

மாற்றி யோசித்து
மறுக்கப்பட்ட சிந்தனை...
மாற்றி யோசிக்காததாலேயே
மறக்கப்பட்ட சிந்தனை

மலைகளையும் மரங்களையும்
மாற்றியமைத்து மார்தட்டிக்கொள்ளும் காலம்
மாற்றம் தேவை என்பதை மறந்து
தேவையே மாற்றம் என்றாகிவிட்ட கோலம்

மாறியது மனிதன் என்றால்
மண்ணாவது மிஞ்சும்
மாறுவது மனிதம் என்றால்
எங்குள்ளது தஞ்சம்

அளவு கடந்த ஆசையின் எல்லை
மாறிக்கொண்டே இருக்கும் மனதின் தொல்லை
பாவம்தான் இந்த மாறிவிட்ட மனிதன்
பம்பரமாகிவிட்டதையும் மறந்து,
சாட்டையைதானே மாற்றுகிறான்