50 பொண்டாட்டியைப் போற்றுங்கடா நகைச்சுவை
பொண்டாட்டியைப் போற்றுங்கடா! - அவா
புத்திகெட்ட பொம்பளையா
கத்திக்கிட்டே இருந்தாலும்
பொண்டாட்டியைப் போற்றுங்கடா!
உப்பள்ளித் தட்டினாலும்
உறைப்பள்ளிக் கொட்டினாலும்
அப்பளத்தை நொறுக்கிக்கிட்டே
அம்மாவை நினைச்சுக்கொங்கடா!
மயிர்கல்லு கிடந்தாலும்
மன்னிச்சு விடுங்கடா!
தயிர்விட்டுக் கலந்தடிச்சித்
தண்ணியைக் குடிங்கடா!
கடபுடான்னு இரைஞ்சாலும்
கார்ச்சத்தம் கேட்டாலும்
கடவுளை வேண்டிக்கிட்டே
கண்மூடிப் படுங்கடா!
தாறுமாறாப் பொருள்கிடக்கும்
தரையெல்லாம் பிசுபிசுக்கும்
ஏறுமாறா பேசாதீங்கடா!
எடுத்தெல்லாம் தொடைச்சிவைங்கடா!
விளக்குமாற்றைக் கையில் பிடிங்கடா!
விசுக்கென்று கூட்டி முடிங்கடா!
அழுக்கெல்லாம் துடைச்சி எடுங்கடா!
அதில்முகத்தைப் பார்த்துச் சிரிங்கடா!
சின்னத்திரை மூழ்கியிருப்பா!
தீப்பிடித்துச் சட்டிகருகும்!
முன்னால ஓடிப்போய்டா
முனகாம இறக்கிவைங்கடா!
எத்தனை இருந்தாலும்
இல்லத் தரசியவளே!
சத்தங்கள் போடவேண்டாம்!
சண்டையும் போடவேண்டாம்!
குறைசொல்லிச் சண்டையிட்டால்
கோபத்தை மனதில்வைத்து
மறைவாகப் பிள்ளைகளை
வதைத்துக் கொடுமைசெய்வாள்!
சந்ததிதான் பாழாகும்!
சந்தோசம் தூளாகும்!
வந்தவளைப் போற்றுங்கடா!
மனதில்தேனை ஊற்றுங்கடா!
