மீண்டும் மீண்டும்
மீண்டும் மீண்டும் எழு
விழ, விழ, மீண்டும் மீண்டும் எழு.
பறந்து விரிந்த இப்புவியில்
நீ நிற்க ஓர் இடம் நிச்சயம் உண்டு.
மீண்டும், மீண்டும் தோல்வி
அச்சப்படாதே, அசந்து போகாதே
தோல்வி, வெற்றியின் படிக்கட்டு
அதில் ஏறி பழகிடு, உயரத்தில் நிற்பாய்.
மீண்டும் மீண்டும் முயற்சி
உனக்கு வேண்டாம் அயர்ச்சி
வாய்ப்புகள் பல உண்டு நினைவில் வை
வாழ வழி கண்டு அதை உறுதி செய்,
மீண்டும் மீண்டும் எழுவாய்
மீண்டும் மீண்டும் முயல்வாய்
எழுவாய் பினிக்ஸ் பறவை போன்று
வருவாள் வெற்றி திருமகள் உன்னோடு.
