கோலத்தில் நர்த்தனம்
கோலத்தில் நர்த்தனம் !
வேல்விழிக ளென்றே வர்ணணை
வேல்விழிகளுக்குள் விஷமல்லவா?
அமுதமொழியென அற்புத பாராட்டு
அலைக்கழித்திடுமோ? அமுதமொழி!
வெண்சங்கென்று சற்றே புகழ்ச்சி
நிம்மதிக்கு ஊதிடும் ஓசையானதே
பிறைநுதல் என்றே பிதற்றல்
புலம்ப வைக்கும்! சிறுபுள்ளிதான்!
மின்னலென்றே இடைக்கு பெயர்!
என்னைக் கைதாக்கும் விலங்கு!
கால்கள் வாழையின் மென்மை!
வழக்கி விழவைத்த சறுக்குமரம்!
கோலத்தில் நர்த்தனம் விரல்கள்
என்றன் விரல்களிலும் நர்த்தனம்!
கோலத்தில் மட்டுமல்ல புள்ளிகள்
காதலுக்கும் அல்லவா முற்றுபுள்ளி!
கவிஞர்களின் காதல்! கற்பனை
காதலன் காதல் நிதர்சனம்!
இந்த கவிஞர்கள் எப்போதுமே
இப்படித்தான் எழுதுவார்களோ?
--- கே. அசோகன்.
