குறிக்கோள்

குறிக்கோள் ஒவ்வொருவருக்கும் வேண்டும்..
தனி மனிதனுக்கும் வேண்டும்
அவன் குடும்பத்துக்கும் வேண்டும்
ஒரு நாட்டுக்கும் வேண்டும்
இந்த மனித சமுதாயத்துக்கும் வேண்டும்..
குறிக்கோளில்லா வாழ்வு..
உயிரில்லா வெற்று உடலுக்குச் சமமானது...

இன்றைக்குத் தேவையான குறிக்கோள்..
நேர்மையாக வாழ்வது..
அரசியல்வாதியெனில் ஊழலின்றி உழைக்கணும்
அரசாங்கவேலையெனில் ஊதியத்திற்காவது உழைக்கணும்
கல்வியைக் கொடுப்பவர்கள் படிப்பைக்கொடுக்க நினைக்கணும்
நீதியும் மருத்துவமும் ஏழைக்குகூட கிடைக்கணும்

வடிக்கும் திட்டங்களெல்லாம் எதிர்காலத்திற்கு நல்லாதாக அமையட்டும்
நற்குறிக்கோள் கொள்பவர் மட்டுமே அரசியலில் இருக்கட்டும்
பணமும் புரட்டும் பாதாளம் போகட்டும்
மனசு மட்டுமே உலகை ஆழட்டும்
குறிக்கோள் இல்லாதவரென எவருமே இல்லாதிருக்கட்டும்
இருக்கும் குறிக்கோளேல்லாம் நாட்டின் முன்னேற்றத்திற்கானதாய் அமையட்டும்..

நாமும் எடுப்போம் குறிக்கோள் ஒன்று
அதனை நோக்கியே நமது பயணம் அமைப்போம்
குறிக்கிடும் நெருக்கடிகளை வெட்கம் கொள்ளைவைப்போம்
வெற்றிகொடி பறக்கும்வேளை உலகிற்கே விருந்துவைப்போம்
தேவையில்லா பேச்சுக்களை மூட்டைகட்டி வைத்திடுவோம்
எல்லைதொட்டு வெற்றிகிட்ட கண்ணைமூடி ஆடிடுவோம்

குறிக்கோள் ஒன்று கொண்டதனால்
வெற்றி ஒன்று கண்டுகொண்டோம்
குறிக்கோள் ஏதும் இல்லையென்றால்
வாழ்ந்திருந்தும் நாம் வாழவில்லை

ஒவ்வொருவரும் ஒரு குறிக்கோள் கொண்டு வாழவும்
அந்தக் குறிக்கோளில் வெற்றியடையவும்
மனம் நிறைந்த வாழ்த்துக்கள்....