தலைமை ஏற்க தகுதிகள்
நல்ல எண்ணங்கள் வேண்டும்
நல்ல எண்ணங்கள் கொள்கையாக வேண்டும்
கொள்கை வெல்லும் நம்பிக்கை வேண்டும்
தலைகனம் இல்லா தன்னம்பிக்கை வேண்டும்
தனித்துவமும் வேண்டும்
வெளிப்படையான நேர்மை வேண்டும்
புதுவழிகள் காணும் உணர்வு வேண்டும்
பொறுமையோடு அன்பும் பெருந்தன்மையோடு பொறுப்புணர்வும் வேண்டும்
இன்பம் துன்பம் ஏற்கும் நெஞ்சம் வேண்டும்
துரித முடிவுகளும் தீர்க்கமாய் வேண்டும்
பகிர்ந்தளிக்கும் பான்மை வேண்டும்
தாழ்ந்தோரை உயர்த்த வேண்டும்
வஞ்சம் லஞ்சம் இல்லாதிருக்க வேண்டும்
நேர்மறை சிந்தனையோடு நல்லோர் தொடர்பாடல் வேண்டும்
ஓய்வின்றி உழைக்க வேண்டும்
மொழிபற்றோடு தேசப்பற்றும் வேண்டும்
இவையனைத்தும் கொண்ட தலைவன் வேண்டும்
தகுதியான தலைவன் வேண்டும்
தலைமை ஏற்க வேண்டும்
தமிழன் உலகை ஆளவேண்டும்
