நம் காதலை சொல்லிட
உன் நிழல் பாதங்கள்
தரையில் விழும்முன்
தாங்கிட துடிக்கும் கைகள் - எண்ணமாய்
நம் காதலை சொல்லிட......
உன் விருப்ப வண்ணங்களில்
ரங்கோலிகளாய் மாறிய
என் அறை சுவர்கள் - வண்ணமாய்
நம் காதலை சொல்லிட.......
உன் வியர்வை துளி மொட்டுக்கள்
சிந்தும் பனியில் உதிக்கிறது
என் காலை வெளிச்சம் - ஆனந்தமாய்
நம் காதலை சொல்லிட.......
உன் முக தரிசனம் காண
விடியலும் ஒளி கூப்பி தேடுகிறது
உன் வாசல் படிகளில் - பிம்பமாய்
நம் காதலை சொல்லிட.......
உன் பருக்களில் முத்தமிட
கூம்பிய இதழும் விரியும் முட்களை
மறைத்து உன்னை வறுட - மென்மையாய்
நம் காதலை சொல்லிட.......
கற்பனை வர்ணிப்புகள் சிந்திய
நிரல்பலகை கவிதை வரிகளில்
வளர்கிற காதல் - மெய்யாய்
நம் காதலை சொல்லிட.......
- மூ.முத்துச்செல்வி
