ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
கால்கள்
முளைத்த நிலவு
என்னவள் !
பேசிடும்
மலர்
என்னவள் !
முதல்படி
முன்னேற்றத்திற்கு
சிந்தனை !
வாதாடுவது வாதம்
உரையாடுவது இதம்
பேச்சு !
நெருக்கமாக்கும்
தொலை தூரத்திலிருந்தாலும்
நட்பு !
வழிவகுக்கும்
வாய்மை நேர்மை
புகழுக்கு !
அன்றும் இன்றும் என்றும்
தரும் அறிவொளி
புத்தகங்கள் !
இறந்தபின்னும்
வாழலாம்
பிறர் நலம் பேணினால் !
தெரியாததை
தெரியாது என்பது
நாணயம் !
தெரிந்ததை
தெரியாது என்பது
கபடம் !
காற்று வீசாதிருந்தால்
ஆயிரம் விளக்கேற்ற
போதும் ஒரு சுடர் !
எளிதாகக் கிடைப்பதல்ல
போராடிக் கிடைப்பதே
வெற்றி !
நல்ல கனவு காண்
நாளும் செயல்படு
நனவாகும் !
ஒருமுறை வெற்றி
தலைக்கனம் வந்தால்
மறுமுறை தோல்வி !
சில நேரம் வரம்
சில நேரம் சாபம்
நினைவாற்றல் !
நடந்த கசப்பை மற
நடந்த மகிழ்வை நினை
சிறக்கும் வாழ்வு !
