ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
உணர்த்தியது
வாழ்வின் நிலையாமை
நண்பனின் மரணம் !
அறிவதில்லை
எரிக்கும் தீ
சந்தனத்தின் வாசம் !
மற்றவர் தவறாலும்
தண்டனை நமக்கு
விபத்து !
நொடியில் விபத்து
வடுவானது
வாழ்நாள் முழுதும் !
தேவைப்படுகிறது பாதுகாப்பு
காவல்
உயர் அலுவலருக்கு !
நாயினும் கீழாக
மனிதன் ?
வன்புணர்வு !
முதுகில் குத்துவது
தொடர்கதையானது
அரசியலில் !
விலை ஏற ஏற
ஏறியது இரத்தக் கொதிப்பு
பெட்ரோல் !
பறைசாற்றியது
ஆள்வோரின் திறமையின்மை
பெட்ரோல் விலையேற்றம் !
காரணியானது
விலையேற்றத்திற்கு
பெட்ரோல் விலையேற்றம் !
பெரும்பாடானது
பெண் குழந்தை வளர்ப்பு
காமுகர்களால் !
பயன்படுத்தாமல்
துருப்பிடித்து
பகுத்தறிவு !
காரணமின்றியே
நடக்கின்றன கொலைகள்
காரணம் திரைப்படங்கள் !
செந்தமிழும் நா பழக்கம்
பேசுக
தமிழில் !
பன்னாட்டு நிறுவனங்களின்
பகல் கொள்ளை
புதிய பொருளாதாரம் !
சுவை நீர் இளநீர் இருக்க
எதற்கு
நஞ்சு நீர் குளிர்பானம் !