அட முட்டாள்களே
வாழ்க முழக்கத்தில் வாழ்ந்து விடுவீர்களா?
வீழ்க முழக்கத்தில் வீழ்ந்து விடுவீர்களா?
அட முட்டாள்களே!
முண்டு,முடிச்சு, முள் எண்ணங்கள்
உங்களையே கீறிவிட்டன.
பதவி எக்களிப்பு.
மேலே போக வேண்டும் என்ற எண்ணம்
கீழான வேலைகள் செய்யச் சொல்கிறது.
உயர்வு கொள்வதாய்
தாழ்வு கொள்கிறீர்!
வளர்வதாய் அழிகிறீர்!
உம் அறிவு, மனம்
தட்டிக் கொடுக்கிறதா?
தட்டிக் கெடுக்கிறதா?
முதலில், நீங்கள் செம்மைப்படுங்கள்
பிறகு நாட்டைச் செம்மைப்படுத்தலாம்.
