ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
குப்பை அள்ளுதல்
தமிழில் நல்ல சொல்
திடக்கழிவு மேலாண்மை !
தரலாம் நன்கொடை
தரக்கூடாது பெற்றோரை
முதியோர் இல்லத்திற்கு !
ஒழுக்கம் தவறினால்
வந்திடும் இழுக்கு
நற்பெயருக்கு !
பல ஆண்டுகளில் பெற்ற புகழ்
சில நொடிகளில்
தகர்ப்பு !
பெரும் புகழுக்கு
வந்தது களங்கம்
சபலம் !
விருதுகள் பல பெற்றும்
விரும்பத்தகாத செயல்
வீழ்த்திவிடும் !
கரும்புள்ளியே
கண்ணில்படும்
வெள்ளைக் காகிதத்தில் !
நல்ல மழை
சோதிடர்கள் காட்டில்
குரு பெயர்ச்சி !
சும்மா இருந்த சங்கை
ஊதிவிட்ட ஆண்டிகள்
பத்திரிகையாளர் கைது !
மனிதாபிமானமற்ற செயல்
சிறையிலும் நடக்குது
கொலை !
காத்திருப்பின்
கடுப்பை நீக்கியது
அலைபேசி !
விடிய விடிய விழிப்பு
விடிந்ததும் தூக்கம்
அலைபேசி !
நேரத்தை விழுங்குது
உழைப்பை சுருக்குது
அலைபேசி !
இளையோரின் வாழ்வில்
இறக்குது இடியை
அலைபேசி !
.
