யாரோ இவன்

உற்று உற்று நோக்குறான் /
பார்வையாலே விருந்து கேட்கிறான் /
கொத்துக் கொத்தாக வியர்வையை அழைக்கிறான் /
கொத்தடிமையாக்கவே நினைக்கிறான் /

அகல விழியைத் திறக்கிறான் /
புருவம் உயர்த்திக் கண்ணை சிமிட்டுகிறான் /
அடுக்குப் பல்லைக் காட்டி இளிக்கிறான் /
முரட்டு மீசையதை முறுக்கி மிரட்டுறான் /

கறுத்த மேனிக் காரன் /
விரிந்த மார்புக் காரன் /
வியர்ப்பூட்டும் பேச்சுக் காரன் /
கண்டதுமே கதி கலங்க வைக்கிறான் /

நின்ற இடத்தை விட்டு
நகர முடியாதவாறு என்
கால்களை நடுங்க வைக்கிறான் /
இவன் என் கற்புக்கு காவல் காரனா?
இல்லை கற்பையே சூரையாடும்
வேட்டைக் காரனா? கண்ட படி
கற்பனையை ஓட வைக்கிறான் /