எண்ணத்தின் ஏற்பு

பிடிப்பான காதல்
வெடிப்பாகிப் போனால் /
மனம் விரும்பிய காதல்
பிரிவின் வழி ஏறிப் போனால் /

இதயத் துடிப்போடு நகர்ந்த காதல்
துடிப்பு இழந்து போனால் /
குருதியிலே நிறைந்த காதல்
குறுகிய காலத்தில் முடிந்து போனால் /

பாசப் பறவையென பெயரிட்ட
நேசக் காதல் தொலைந்து போனால் /
ஆசை வெள்ளத்தில் உள்ளத்தினிலே
தாமரைப்பூ போல்
மலர்ந்த காதல் வாடிப் போனால் /

நெஞ்சாங் கூட்டில் பஞ்சணை
போட்டு தூங்க விட்ட பருவக்
காதல் மாண்டு போனால் /
இளமை வயதிலே கரும்பாக அரும்பிய காதலிலே கறையான் தங்கிப் போனால் /

எஞ்சிய நாளிகையில் மிஞ்சிய நாட்களில் /
உண்மைக் காதல் உதிப்பதில்லை/
கரம் பிடிக்க வரும் துணையை
ஆழ் மனம் ஏற்பதில்லை /

அன்பாக இருப்பதாய் ஒரு நாடகம் /
அக்கறையுள்ளவனாய் (ளாய்) ஒரு நடிப்பு/
பிடிப்பு இல்லாத வாழ்வைப் பிடித்து படிப் படியாக வயதைக் கடப்பதுதான் எண்ணத்தின் ஏற்பு /

எழுதியவர் : கவிக்குயில் ஆர். எஸ் கலா (29-Dec-18, 7:55 pm)
சேர்த்தது : ஆர் எஸ் கலா
Tanglish : ennaththin erpu
பார்வை : 121

மேலே