பாவம் ஓவ்வொன்றுக்கும் நூறுஅதிகம் என்றே நுவல் - நீதி வெண்பா 13
நேரிசை வெண்பா
ஆனந் தணர்மகளிர் அன்பாம் குழந்தைவதை
மானம் தெறும்பிசி வார்த்தைஇவை - மேனிறையே
கூறவரு பாவம் குறையாதுஓவ் வொன்றுக்கும்
நூறுஅதிகம் என்றே நுவல். 13 நீதி வெண்பா
பொருளுரை:
பசு, பிராமணர், பெண்கள், அன்பு மிகுந்த குழந்தை ஆகியோரைத் துன்புறுத்தலும், மானத்திற்குப் பங்கம் வரும் குற்றமுள்ள சொற்களைக் கூறுதல் ஆகியவை ஒன்றுக்கொன்று குறைவு இல்லாத பாவங்களாகும்;
இக்குற்றங்களால் ஏற்படும் பாவங்கள் ஒன்றுக்கொன்று நூறு மடங்கு அதிகம் ஏற்படும் என்றே சொல் என்கிறார் இப்பாடலாசிரியர்.