திருக்குறள் ஒரு வழிநூலா கவிஞர் இரா இரவி

திருக்குறள் ஒரு வழிநூலா?

கவிஞர் இரா. இரவி.

******

மது உண்ட மந்தி போல உளறுகின்றார்
மகளை அம்மாவிற்க்கு மூத்தவள் என்கிறார் !



திருக்குறளின் கருத்துக்கள் வேதத்தில் இருக்க
திருப்பி உரைக்கின்றார் வேதக்கருத்து திருக்குறளிலாம் !



உலகப்பொதுமறையில் உள்ள உயர்ந்த கருத்துக்களை
உங்கள் வேதத்தில் காப்பியடித்து விட்டு !



வேதத்திலிருந்து வந்தது திருக்குறள் என்று
வேதாளம் வேதாந்தம் பேசுகின்றது முறையா?



வேதத்தில் கடவுள் பெயர்கள் உண்டு
வளமான திருக்குறளில் கடவுள் பெயர்கள் இல்லை !



தமிழ் தமிழர் தமிழ்நாடு என்று எழுதாமலே
தரணியில் முத்திரை பதித்தது திருக்குறளே !



உலகமொழி யாவிலும் உள்ளது திருக்குறள்
உலகமொழிகளில் உள்ளதா? உங்கள் வேதம்!



வர்ண பேதம் நியாயம் கற்பிக்கும் வேதம்
வர்ண பேதத்தை தகர்த்து எறியும் திருக்குறள்!



வழக்கொழிந்து போய்விட்டது வேதம்
வழக்காடு மன்றத்திலும் வாழ்வது திருக்குறள் !



பெரும்பான்மையோர் அறிந்திட்ட அரிய நூல் திருக்குறள்
சிறுபான்மையோரும் பலரும் அறியாதது வேதம் !



ரசியாவின் டல்சன் அறையில் உள்ளது திருக்குறள்
ரசியாவில் யாருமே அறியாத ஒன்று வேதம்1



கண்டபடி உளறுவதை விட்டுவிட்டு உடன்
கைகட்டி திருக்குறளைப் படிக்கத் தொடங்குக!

எழுதியவர் : கவிஞர் இரா .இரவி (16-Apr-19, 10:30 pm)
சேர்த்தது : கவிஞர் இரா இரவி
பார்வை : 29

மேலே