வண்ணப் பாடல்
வண்ணப் பாடல் !
*************************************
தனதன தானா தனதன தானா
தனதன தானா .... தனதானா
அலைகளும் வாடா மலர்களு மோயா
தறுபடை யானோ டுறவாட !
அறுமுக வேலா உமைசிவ பாலா
அணிதிகழ் மார்பா குமரேசா !
வலவிட மாய்நீ துணைவிய ரோடே
மயிலினி லேவா தணிகேசா !
வடிவுடை வேலா கொடியுடை வீரா
மலைமிசை வாழ்வே யெனையாள்வாய் !
சிலையழ கேசா தமிழமு தாலே
தினமுனை யோதா விடுவேனோ ?
திருவடி காணா விழிகளும் வீணே
சிறுநகை யோடே வருவாயே !
குலபதி நீயே குணமணி நீயே
குருபர னேசீ ரலைவாயா !
கொடுமுடி யானே திருமுரு கேசா
குறமகள் நாதா பெருமாளே .
சியாமளா ராஜசேகர்
