அவள் நினைவு

நீ விட்டு சென்ற
மறுநாள்
தலைவாரும் நேரங்களில்
என் முடிகளை வருடி விட
சீப்பில் எப்போதுமிருக்கின்றன
உன் கூந்தல்
முடி

ஞாபகங்களாய்

======================
நீ இல்லாத
நாட்களின் தனிமையை
உணர்ந்து கொள்வது

நான் மட்டுமல்ல

எழுதுகோலும்
இன்றைய நாட்குறிப்பின்
வெற்றுக்காகிதங்களும்

பிரிவு
======================

என் நினைவாய்
உள்ளவற்றை உடைத்தாய்
மற்றவற்றை
எரித்தாய்

நான் இருக்கும் இதயத்திற்கும்
நினைக்கும் உன் மூளைக்கும்

மட்டும் என்ன

விதிவிலக்கு

========================

உறவின்
உயிரின் துறப்பு

கையில் மட்டும் துடிப்புள்ளது

ஓர்
மரண சாசன
உடன்படிக்கையில்
கையொப்பமிட்டு
பிரிவதற்கான
காத்திருப்போடு


விவாகரத்து

====================
திருமதியில்
இருந்து
செல்வியென்றாய்

பிரிந்த பின்னர்

செல்வியிலிருந்து
மீண்டும்
திருமதி ஆகின்றாய்

நம் குழந்தைக்கு பின்னே
என் பெயர் சேர்த்து
அழைத்து மகிழும்

நேரங்களில்


=========================

மணிவண்ணன் மா