கண்ணாடி வளையல்கள்

கண்ணாடி வளையல்கள்
=============================================ருத்ரா

நாகரிக ஓட்டத்தில்
இந்த கண்ணாடி வளையல்கள்
காணாமல் போய்விட்டாலும்
அந்த கிலுகிலுப்பையில் தான்
காதலில் கிளு கிளுப்புவின்
அகர முதல தொடங்குகிறது.
பெண்ணே!
இப்படி நான் சொன்னதற்காக...
இதுவும் கூட‌
ஒரு நாவலைப்படித்ததால்
ஏற்பட்ட கிளர்ச்சி தான் அது...
என்னை ஏற இறங்க பார்த்து
என் வயதுகளை ஆராய ஆரம்பித்து விட்டாய்.
"சுடிதார்"ப்பெண்ணல்லவா நீ!
அப்புறம்
அந்த கண்ணாடி வளையல்
ஒலிப்புகளை உடைத்து நொறுக்கிவிட்டேன்.
அன்றொரு நாள்.
செல்ஃபோனில் கிணு கிணுத்தாய்.
அது என்ன அப்படி யொரு
சுண்டி இழுக்கும் இசையொலி?
உன் காலர் டியூனில்
கண்ணாடி வளையல்கள்
கிளுகிளுத்தன!

=========================================================

எழுதியவர் : ருத்ரா இ பரமசிவன். (22-Nov-19, 11:33 pm)
சேர்த்தது : ருத்ரா
Tanglish : kannadi valaiyalgal
பார்வை : 246

மேலே