கட்சி
பொருள் திரட்டிடக் கட்சியுண்டு!
இருள் விரட்டிடக் கட்சியில்லை...
படை குவித்திடக் கட்சியுண்டு!
விடை கிடைத்திடக் கட்சியில்லை...
மதம் சாதிக்குக் கட்சியுண்டு!
அறம் போதிக்கக் கட்சியில்லை...
கொள்ளை அடித்திடக் கட்சியுண்டு!
கொள்கை மதித்திடக் கட்சியில்லை...
அணி வைத்திடக் கட்சியுண்டு!
பணி செய்திடக் கட்சியில்லை...
கறை வேட்டிக்குக் கட்சியுண்டு!
குறை ஓட்டிடக் கட்சியில்லை...
போதை ஏற்றிட கட்சியுண்டு!
பேதை ஏறிடக் கட்சியில்லை...
ஓட்டை வாங்கிடக் கட்சியுண்டு!
நாட்டைக் காத்திடக் கட்சியில்லை...
