மருத்துவ வெண்பா – அடுக்கு வாழைப்பழம் - பாடல் 94
நேரிசை வெண்பா
மந்தங் கதித்தெழுப்பும் மாறாட்டப் பித்தமறும்
வெந்த மலக்கட்டு வெளியாகும் – மந்தமுற
மேனி யழகுபெறு மீசடுக்கு வாழைகனி
சீனி நிகர்மொழியாய் செப்பு!
- பதார்த்த குண விளக்கம்
குணம்:
அடுக்கு வாழைப்பழம் அக்கினி மந்தத்தை உண்டாக்கும். பித்த மிகுதியையும், மலம் தீயவதையும் வெளியாக்கும். நல்ல தேகக் காந்தியை உண்டாக்கும்.
