கடுகு - நேரிசை வெண்பா
நேரிசை வெண்பா
இடிகாசம் நாசிச்சூர் ஈளைகபம் பித்தங்
கடிவாத சீதங் கடுப்போ(டு) - உடலிற்
படுகோட்டு நோயென்னும் பங்கிவைக ளைப்புன்
கடுகோட்டும் ஏன்மருந்து காண்
- பதார்த்த குண சிந்தாமணி
நேரிசை வெண்பா
மந்தமயக் கம்வாதம் வாய்நீர்ச் சுழற்றலறும்
உந்து சுகப்பிரச வங்களுண்டாம் - இந்துநுதன்
மானேகி ராணிகுன்மம் மாறுமுத் தோஷமும்போம்
தானே கடுகிற்குத் தான்
- பதார்த்த குண சிந்தாமணி
கடுகானது தலைப்பிடிப்பு, இருமல், பித்தம், வாதம், சீதம், காணா விடக்கடி, குடைச்சல், முடம், அக்கினி மந்தம், வாத தோடம், உமிழ்நீர், கிரகணி, வயிற்றுவலி, திரிதோடம் இவற்றைப் போக்கி சுகப்பிரசவத்தைக் கொடுக்கும்
