சங்கரநாராயணர் கோவில் தல வரலாறு எளிய கவிதை நடையில் பகுதி - 62

சங்கரநாராயணர் கோவில் தல வரலாறு எளிய கவிதை நடையில் : பகுதி - 62
~~~~~~~~~~~~~~~~~~~~~~~~~~~
உறையூர் சோழன் வீரசேனன் பிணி தீர்ந்த சிறப்பு
●●●●●●●●●●●●●●●●●●●
சோறுடைத்த நாடு சோழ நாடு
சோழ வளம்பெருக காவேரியோடும் நாட்டின்
முற்காலச் சோழர்களின் தலைமை இடமான
உறையூர் ஆண்ட சோழன் வீரசேனன்

வான் தொடும் கொடியில்
வேங்கைப் பாயும் உறையூரில்
வளம் குன்ற ஆட்சியினை
வலுவாகச் செய்த வீரசேனன்

வளம் பெருகிய நாட்டினுள்
வலம் வரும் வேளையில்
வான் பொழிந்த மழையினால்
வழியெங்கும் நீர் பெருக

வீதியோர அந்தணர் வீட்டினுள்
வழியின்றி மழைக்கு ஒதுங்கிட
விடாது தொடர்ந்த மழை
வெகு நேரம் பொழிந்திட

வீரசேனனுக்கு வயிறுப் பசிதந்திட
வீட்டினுள் உணவினைத் தேட
அந்தணர் வைத்திருந்த தெய்வ வழிபாட்டுக்கான
அழகிய கனிகளைக் கண்டான்
வயிறு நிறைய உண்டான்

தெய்வ வழிபாட்டுக் கனியை உண்டமையால்
தெய்வ நிந்தனையால் தீவினைகள் பெருக
உடம்பில் தீராப் பிணிகள் பிணித்து
உன்னதமான மன்னர் பதவியைத் துறந்து

மகனுக்கு நாடாள முடி சூட்டி
மன்னன் வீரசேனன் பிணி போக்க
புன்னைவனம் வந்து சிவசன்மன்யெனும் சான்றோரிடம்
பாடமாக ஐந்தெழுத்து மந்திரம் கற்று

சங்கரலிங்கரை வழிபட்டுத் திருவருள் பெற்று
பிணி நீங்கி முக்திப் பெற்றான்.....

சங்கரநாராயணர் கோவில் தல வரலாறு எளிய கவிதை நடையில் தொடரும்....

சமத்துவ புறா ஞான அ பாக்கியராஜ்