சாத்தான்-னு கூப்பிட்டா என்ன செய்யறதுங்க
தம்பி தக்ரேஷு நீ உங்க குடும்ப
சோசியரைப்
பார்க்க வந்திருக்கிறன்னா ஏதாவது நல்ல
தகவல் இருக்கும்.
@@@@@@
ஆமாங்க சோசியர் ஐயா. திருமணம் ஆகி
அஞ்சு வருசம் கழிச்சு என் மனைவி
நவுஜ்ராணிக்கு ஆண் குழந்தை
பிறந்திருக்குதுங்க.
இன்று காலை அஞ்சு மணிக்குப்
பிறந்ததுங்க.
@@@@@@@@
சூரியன் உதிக்கிறதுக்கு முன்னால்,
இருட்டா இருக்கும் போது பிறக்கிற
குழந்தைகள் எப்பவுமே வசதியான
வாழ்க்கை வாழப் பிறந்தவங்க.
புத்திசாலித்தனமா நடந்தா டாடா, அதானி,
அம்பானி மாதிரி பெரும் செல்வந்தர்களா
தொழிலதிபர்களா வாழ்வாங்க
@@@@@@@@@
நீங்க சொல்லறதைக் கேட்கவே ரொம்ப
மகிழ்ச்சியா இருக்குதுங்க சொசியர் ஐயா.
நீங்களே என்ற பையன் இராசிக்கேத்த
பேரா வச்சிடுங்க சோசியர் ஐயா.
@@@@@@@
உங்க பையன் இராசிப்படி அவனுக்கு
சைத்தன்யா-ங்கிற பேரை வைக்கணும்.
ஆனால் அந்தப் பேருல உங்க பையன்
இராசிப்படி ஒரு சிக்கல் இருக்குது.
@@@@@@@@
என்ன சிக்கலுங்க சோசியர் ஐயா.
@@@@@@@
பையன் நல்லாப் படிப்பான். வெளிநாட்டு
வேலைக்குக் கூடப் போவான். ஆனா
அவனுக்கு திருமணம் ஆக வாய்ப்பில்லை.
@@@@@@
என்னங்க சோசியர் ஐயா இப்படி ஒரு
பெரிய குண்டைத் தூக்கிப் போடறீங்க.
@@@@@@@
எந்தப் பேரை வச்சாலும் திருமண இராசி
உம் பையனுக்கு இல்லை. அவனோட
திருமணப் பேச்சை எடுத்தாலே சனி
பகவான் அதுக்குத் தடையா நிக்கறாரு.
அதை உடைக்கத் தான் உம் பையனுக்குச்
சைத்தன்யா -ங்கிற பேரை வைக்கச்
சொன்னேன். ஏழரை நாட்டுச் சனி உம்
பையனைத் தொடராம இருக்கும்னுன்னா
அவனுக்குச் சைத்தைன்யா -ன்னு பேரு
வச்சு அந்தப் பேரில் உள்ள கடைசி எழுத்து
'யா'வைத் தூக்கிட்டு அவனுக்குச் சைத்தன்-
னு அவன் பேரை மாத்திடணும். அப்படி
மாற்றம் செய்தால் அமெரிக்கத்
தொழிலதிபர் எலான் மாஸ்க்-கையே
தூக்கி அடிக்கும் அளவுக்கு உன் மகன்
அமெரிக்கா போயி பெரிய தொழிலதிபர்
ஆயிடுவான்.
@@@@@@@
ஐயா என்ற மகன் பேரைச் சைத்தன்-னு
வச்சா நம்ம சனங்க அவனைச்
சைத்தான்-னு கூப்புடுவாங்களே என்ன
செய்யறதுங்க.
@@@@@@
சைத்தன் இந்திப் பேருன்னு சொன்னாப்
போதும் நம்ம சனங்க "சைத்தன் சுவீட்டு
நேமு"னு பாராட்டுவாங்க.
@@@@@@@@
ஆமாங்க சோசியர் ஐயா, எனக்கு இந்த
உண்மை மறந்து போச்சுங்க. சரிங்க
வைத்தியர் ஐயா நான் வர்றேனுங்க.
@@@@@@@
ஒரு மூட்டை நெல் அனுப்பி வை.
மறந்தறாத.
