023--இதயத்தில் சேமியுங்கள்

கண்களிலே நீர்மை இட்டுக்
.....காதலிக்கப் பழகுங்கள்!
புண்களிலே வெந்நீர் விட்டுப்
.....பேசுவதைத் தவிருங்கள்!

பண்களிலே அன்பை மட்டும்
.....பார்த்தெடுத்துப் பாடுங்கள்!
எண்களிலே இல்லை வாழ்க்கை!
.....இதயத்தில் சேமியுங்கள் !

மலினங்கள் திரளுவதால் கோபு ரங்கள்
... மடிந்துதலை சாய்க்காது! மனதில் உள்ள
வலிதான கொள்கைகளால் உறுதி பூண்டோர்
... வளையாரே! தாம்,ஒதுங்கி விலகி நின்றால்
நலிந்தவர்கள் ஆகாரே! கவலை வேண்டாம்!
... நடுநடுங்கும் சத்தத்தால் , சாத்தா னெல்லாம்
தலையெடுக்க முடியாது தெய்வ மாக!
... தருமம்,கால் தள்ளாடும் வீழ்ந்தி டாது!

பொலிந்திடும்,நம் நாடினிமேல்! பொறுத்து நின்ற
... புரட்சிவரும் நாள்,தூரம் இல்லை கண்டீர்!
மேலிந்தவுடல் காந்தியினை மக்கள் இன்றும்
... மிகநினைத்து வாழ்கின்றார்! சத்யம் வெல்லும்!
-௦-