மனசாட்சி
மனிதனுடன் உடன் பிறக்கும்
உருவமில்லா உயிர் !
இறுதிவரை உயிர் மூச்சாய்
உடனிருக்கும் நண்பன் !
சரியோ தவறோ முடிவை
சொல்லிடும் நீதிபதி !
கண்ணில் தெரியா உன்னில்
வாழும் மாற்றான் !
ஆயுள்வரை மனித இனத்தை
காத்திடும் ஆயுதம் !
இரக்கம் இல்லா உள்ளங்களின்
உறங்கிடும் உயிர் !
உறவுகளில் உயர்ந்த உறவாய்
உருவமில்லா உறவு !
நட்பும் பகையும் உருவாகிட
காரணமான கருவி !
உறங்கிடும் நேரத்திலும் உறங்கிடா
கனவுலகின் கர்த்தா !
அரசியல் வாதிகள் அறிந்திடா
அடிப்படை அரிச்சுவடி !
உயர்ந்த உள்ளங்கள் உருவாகிட
உதவிடும் ஊன்றுகோல் !
நிகழ்வுகளை நினைவால் அலசி
உலர்த்திடும் கருவி !
நம்மை நாமே பார்த்துகொள்ளும்
நிலையிலா நிலைக்கண்ணாடி !
பழனி குமார்
