Vandapuli127 - சுயவிவரம்
(Profile)
வாசகர்
| இயற்பெயர் | : Vandapuli127 |
| இடம் | : |
| பிறந்த தேதி | : 25-Mar-1970 |
| பாலினம் | : ஆண் |
| சேர்ந்த நாள் | : 23-Oct-2018 |
| பார்த்தவர்கள் | : 17 |
| புள்ளி | : 0 |
என்னைப் பற்றி...
முன்னாள் விமானப்படை அதிகாரி
இந்நாள் ஸ்டேட் வங்கி காசதிகாரி
என் படைப்புகள்
Vandapuli127 செய்திகள்
சுமங்கலி
×××××××××
மஞ்சள் முகமும்
மல்லிகைக் கூந்தலும்
மங்கையின் மங்கலங்கள்
மாலையிட்டவனை
மயங்க வைக்கும்
மந்திர மாத்திரைகள்
மனிதக் கணவனை
மன்மதனாக்கிடவே
மல்லிகையைச் சூடுகிறாள்
மயங்கியக் கணவனின்
மலரிதழ் சுவைத்திடவே
மஞ்சள் முகம் காட்டுகிறாள்
மயக்கத்தால் மலரவைத்தே
மடிந்திடாத மணவாழ்வின்
மணிவிழா மகுடத்தை
தன்
மன்மதனுக்கு சூட்டுகிறாள்
மடியப்போகும் வயதில் கூட
மஞ்சள் முகம் காட்டி
மல்லிகை மணமூட்டி
மல்லிகைச் சிரிப்புக் காட்டி
மணிவிழா அரங்கத்தின்
மகேச மனைவியாகிறாள்
மடிப்பு முகத்தில் பூசிய
மஞ்சளாலும்
மங்கியக் கூந்தலில் சூடிய
மல்லிகையாலும்
மகேசமாய் மலர்ந்து
மாநிலத்தையே மங்கலமாக்குகிறாள்.
ஆக்கியோன் :: வண்டப்புலி வைரமுத்து
ஞானத்தை நோக்கி....
×××××××××××××××××
பத்துவயது பாலகத்தில்
பள்ளிக்கூட நண்பனை
படாரென அடித்தப் படம்
கண் முன்னே கடை விரிக்கிறது
பாவத்தின் ஆரம்பம் அது
பதின்வயது தொடக்கத்தில்
படுத்திருந்தத் தாவணியை
பருகப் படபடத்தப் படம்
மனப்பெட்டிக்குள்
இற்றுப்போய் இருக்கிறது
பாவத்தின்
அடுத்தக் கட்டமது
இருபதுகள் தந்த இரும்புத்தேகம்
இளைத்தவனையெல்லாம்
இடித்து அழித்தது
இளித்தவளையெல்லாம்
இறுக்கி அணைத்தது
பாவத்தின்
மூன்றாம் கட்டமது
நாற்பதுகளில் நகர்ந்தப்போது
நளினங்களை நக்கிப்பார்க்க
நரித்தனம் நாக்கைச் சுழற்றியது
பாவத்தின்
நான்காம் கட்டமது
ஐம்பதுகளின் நுழைவாயில்
ஐசுவரியங்களை அணிந்துக்கொள்ள
அளித்தவனுக்கே
அரளிப்பால் கொடுத்தது
பாவத்தின்
ஐந்தாம் கட்டமது
அறுபதில் அமர்ந்தபோது
ஐம்பாவங்களின் புழுக்கம்
அறிவுக்கு அரிப்பை அளித்தது
அரிப்பெடுத்த அறிவு
அனுபவ அருவியில்
அழுக்கைக் கழுவியது
அமைதியாடையால்
ஆன்மாவை அலங்கரித்தது
அருகில் வந்த
அடுத்த வாரிசுகளிடம்
ஐம்பாவங்கள் அணியாதேவென்று
அறிவுரையை அள்ளித் தெளித்தது
அடுத்த வாரிசுகளின் ஆட்டமும்
அங்கே ஆரம்பமானது.
ஆக்கியோன் :: வண்டப்புலி வைரமுத்து
ஒற்றுமை
×××××××××
ஓடையோரத்து
ஒற்றைத் தென்னைமரம்
ஒய்யாரம் காட்டுவதில்லை
பரந்திருக்கும்
பத்து தென்னைகளே
பரவசமாக்குகின்றன
அகன்றிருக்கும்
ஆலமரத்தைக் கூட
அதைத் தாங்கியிருக்கும்
ஆறு விழுதுகள்தான்
அடையாளப்படுத்துகின்றன
அடர்ந்திருக்கும்
ஆயிரம் மரங்கள்தான்
அடர் வனமென்று
அழைக்கப்படுகின்றன
அழகிய ஆடொன்று
ஆரவாரம் செய்தால்
அடித்துச் சாப்பிடவே
ஆட்களுக்கு
ஆவல் பிறக்கும்
ஆட்டுமந்தைகள்
அணியாக நகர்ந்தால்
அடைக்கப்பட்டப் பாதைகளும்
அவைகளுக்காக
அகன்றக் கதவைத் திறக்கும்
உரிமைகளுக்காக உழலும்
உணர்ச்சி உருவமே!
உலக உருண்டையை
உள்ளங்கையில் ஏந்தும்
உணர்வுக் கொண்டால்
உன் உள்ளங்கையால்
மட்டுமே
உலக உருண்டை
உசும்பி விடாது
உன்ணுணர்வுகளைக் கொண்ட
உள்ளங்கைகளை
உன்னோடு உரசிக்கொள்
உலக உருண்டை
உருண்டோடி வரும்
உள்ளங்கைகளில்
உசும்பி விளையாடும்.
ஆக்கியோன் :: வண்டப்புலி வைரமுத்து
கருத்துகள்
சிறந்த கவிதைகள் (இந்த வாரம்)
பதில் முத்தம்...
பாண்டியராஜன்
04-Dec-2024
பாதை மாறாதே...
கல்லறை செல்வன்
04-Dec-2024