எழுத்து எண்ணம்

(Eluthu Ennam)

புதிய எண்ணம்


எண்ணம் சமர்ப்பிக்க Login செய்யவும்.



வாசகசாலை - நிகழ்வுகள்.- அழைப்பிதழ்.
எழுத்தாளர்கள்- வாசகர்கள் கலந்துரையாடல். 

சென்னை- மார்ச் 17 ம் தேதி -  எழுத்தாளர் அருளரின் “ லங்கா ராணி ”-  நாவல் குறித்தான கலந்துரையாடல் 
திருப்பூர்- மார்ச்  18 ம் தேதி  -  எழுத்தாளர்  க. சீ. சிவக்குமாரின் “ உப்புக்கடலைக் குடிக்கும் பூனை ” - சிறுகதை தொகுப்பு  குறித்தான கலந்துரையாடல் 
கோவை- மார்ச் 18 ம் தேதி -    எழுத்தாளர். சி.ஆர். ரவீந்திரனின்  “ஈரம் கசிந்த நிலம்” - நாவல் குறித்தான கலந்துரையாடல்

  எழுத்து . காம்  இணையதளத்திலிருக்கும் கவிஞர்கள் எழுத்தாளர்கள்.. வாசகர்கள் அனைவரையும் வரவேற்கிறது வாசகசாலை.   
-

- இரா.சந்தோஷ் குமார். 

மேலும்

  வாசிப்பு..!
“ நான் ஏன் இலக்கியத்தை.. இலக்கிய புத்தகங்களை வாசிக்க வேண்டும். அதனால் என்ன பயன்?.” வாசிப்பு பழக்கம் இல்லாத ..அல்லது வாசிக்க நேரம் பெறாதவர்கள் மனதில் எழும் கேள்வி இது.நீங்கள்..நான் உட்பட யாவரும் பள்ளி..கல்லூரி படிப்புகளுக்கு பிறகு இயந்திரத்தனமான ஓட்டத்தில் .. பணம்.. சொத்து.. குடும்பம்.. குழந்தைகள் என ஒரு தொடர் இயக்கத்தில் நமக்கான தேடல்களில்.. நமக்கான செளகரியங்களுக்கான ஆர்வத்தில் புத்தகங்களை வாசிப்பத்தை விட்டுவிடுகிறோம். பிறகு புத்தகங்களையே வெறுத்துவிடுகிறோம். ஆனால் நமது வாழ்வு இயக்க கூறுகள் எதுவும் நம்மை சுற்றியுள்ள சமூகத்தின் தொடர்பு இல்லாமல் இயங்க முடியாது. இந்த தொடர்பை நாம் வலுக்கட்டாயமாக துண்டிப்பதாலே பல நடைமுறைச் சிக்கல்கள் அந்த சிக்கல்களிலிருந்து மீள தெரியாமல் பிரச்சினைகளை கையாள தெரியாமல்.. சமூக குற்றங்கள் நிகழ்கின்றன. சமீபத்தில் சென்னை கல்லூரி மாணவி அஷ்வினி வெட்டுப்பட்டதும்.. திருச்சி கர்ப்பிணி பெண் உஷா கொல்லப்பட்டதுமாக்கான ஒரு தீவிர மனம் சார்ந்த உளவியலை ஆராய்ந்தால்.. சமூகத்தை.. சமூக காரணிகளை.. மனிதர்களை புரியாத இந்த இடைவெளிதான். இந்த இடைவெளியை நிரப்பி.. குறுகிய நமது உலகத்தை தாண்டி பார்க்க ஊக்குவிப்பதும்.. சிந்திக்க வைக்க உதவுவதுதான் வாசிப்புப் பழக்கம். வாசிப்புப் பழக்கமும் ஒன்று என புரிக


.#வாசகசாலை 
வாசிப்பை ஊக்குவிக்க.. வாசிப்பை தூண்டிவிட.. வாசிப்பிற்கு தேவையான ஒரு உந்துதல் நமக்கு நிச்சயம் தேவைப்படுகிறது. இந்த உலகம்.. பிரபஞ்சம்.. நம் உடல்.. நம் இயக்கம்.. நம் சமூகம்.. நம் சக மனிதர்கள்.. மனிதர்களுக்குள் நிலவும் வேற்றுமை..கொடுமை...பிரச்சினை தீர்வு என நாம் யோசிக்காத களத்தில் பிரமிப்பூட்டும் சம்பவங்கள் நம்மை சுற்றி இயங்குவதை படைப்புகளாக படைப்பாளிகள் படைத்திருப்பார்கள். அந்த படைப்புகளில் நாம் ஏதேனும் ஒருவிதத்தில் தொடர்பு கொண்டிருப்போம். அவ்வித படைப்புகளை வாசிக்க தூண்டுவதும்.அவ்விதமாக வாசித்து.. வாசிப்பின் மூலமாகவே மானுடத்தை புரிந்து. நலம் பெற வைப்பதுமாக என.. . வாசிப்பை ஓர் இயக்கமாக முன்னெடுக்கும் #வாசகசாலை எடுக்கும் ஒரு முயற்சி.. உழைப்பு.வாசகசாலை... நண்பர்களால் ஒன்றிணைந்து செயல்படும் ஓர் இலக்கிய அமைப்பு. 
சென்னையில் பெரும்பாலான வாசகர்களும்.. பிரபலமான எழுத்தாளர்களும். சந்திக்கும் பாலாமாக பல நிகழ்வுகளை நடத்தி அசத்தி இருக்கிறது. 300 க்கும் மேற்பட்ட..வாசகசாலை நிகழ்வுகளுக்கு பிறகு.. சென்னையை தாண்டி பல மாநகராட்சிகளிலும் நண்பர்களால் சென்ற மாதம் முதல் நிகழ்வுகள் “ இலக்கிய சந்திப்பு “ மாதாந்திர தொடர் கலந்துரையாடல் நிகழ்வாக ஆரம்பித்து இருக்கிறோம். 
அதன் தொடர் செயல்பாடாக #திருப்பூர் மாநகராட்சியில்.. இரண்டாவது நிகழ்வாக.. கொங்கு மண்டலத்தில் சிறுகதைகளின் அடையாளமாக திகழ்ந்த மறைந்த எழுத்தாளர் க.சீ.சிவக்குமார் அவர்களின் படைப்புகளையும் அவரையும் நினைத்து போற்றும் வகையில்.. ஒரு கலந்துரையாடலை முன்னெடுக்கிறோம். 
திருப்பூரில் #வாசகசாலை வழங்கும்
“ உப்புக்கடலைக் குடிக்கும் பூனை “ சிறுகதைத் தொகுப்பு. குறித்த கலந்துரையாடல் வருகிற மார்ச் 18 ம் தேதி ஞாயிற்றுகிழமை திருப்பூர் குமரன் சாலையிலுள்ள நலம் ஹாலில் மாலை 5:30 மணிக்கு நடைபெறுகிறது. சிறப்புரையாக.. எழுத்தாளர் இளஞ்சேரல் ராமமூர்த்தி அவர்கள்.. இந்த சிறுகதை தொகுப்பை பற்றி விரிவாக உரையாற்ற உள்ளார், மேலும் வாசகர்களாக அருண் சுந்தர். மற்றும் சரண்யா ஆகியோர் வாசக பார்வையாக தங்களின் வாசிப்பு அனுபவத்தை முன் வைக்கிறார்கள். வாருங்கள் ஒரு ஞாயிறு அந்தி மாலை ஒரு இலக்கிய சந்திப்பில் வாசிப்பு அனுபவம் எவ்வாறு இருக்குமென அறியலாம்....!-#வாசகசாலை- திருப்பூர்.  

மேலும்

படைப்புக்கு நன்றி 20-Mar-2018 9:13 pm

நண்பர்கள் அனைவருக்கும் புத்தாண்டு நல்வாழ்த்துகள்.


-இரா.சந்தோஷ் குமார். 

மேலும்

  இப்போதும் அப்படித்தான் நீ கவிதையில் சொன்னப்படியே...இறந்து போனாயா எனதருமை நா. முத்துக்குமாரா.. ?


நா.முத்துக்குமாரின் கவிதை:.

மரணம் பற்றிய வதந்தி
--------------------------------------- 
திருஷ்டி கழிந்தது என்றார்கள்
தீர்க்காயுசு என்றார்கள்
படபடத்தோம் என்றார்கள்.

எப்போதோ எழுதிய
என் கவிதையைச் சொன்னேன்..
"இறந்துபோனதை
அறிந்த பிறகுதான்
இறக்க வேண்டும் நான்!  

மேலும்

நினைவு மீட்டல்
ஒரு வருடத்திற்கு முன்பு, 
இதே தேதியில் ’எழுத்து’ தளத்தில் நானெழுதிய கவிதை. 


  புறக்கணிப்பு விடுதி
 புறக்கணிப்பு விடுதி - சந்தோஷ்
நிறமற்ற கோப்பையொன்றில்
சிவப்புநிறத் திரவம்
ஊற்றப்பட்டிருந்தது.
(ரெட் ஒயின் எனவும்
பெயரிட்டுக்கொள்ளவும் )
அதிலென் தனிமையினை
நனைத்துக்கொண்டிருந்தப்போது
ரவிவர்மன் ஒவியத்திலுள்ள
அந்தப் பேரழகி
என் பின்னங்கழுத்தினை
இறுக இறுகப்பிடித்து
அவளின் மார்பகபிரதேசத்தில்
ஒடவிட்டுக்கொண்டிருந்தாள்.

இருவிதமான போதைகளுக்கு
மத்தியில்
தெளிவில்லாமல்
தெளிவாகி ஓடியதெனது
ஆசைப்புரவியினை
நடுநிசி நாய்கள்
வழ் வள் என குரைத்து
திசைத்திருப்பிவிட
ஓவிய பேரழகி மீண்டும்
சுவற்றுப்படமாகி
ஏமாற்றிவிட்டாள்.
.
எரிச்சல் மேலோங்கி
என் ஆழ்மனப் பேராசைகள்
குமுறிய பேரலையென
ஆவேச சிகரெட் ஒன்றினை எரித்து
தானாகவே அமைதியாக அணைந்தது.

வடகிழக்குத் தென்றலொன்று
என் தனிமைச் சாளரத்தை
முட்டி மோதி
தட்டிக் கத்தியது.

அட......என்ன இது மாயை?
இந்த நினைவுப் பேய்களின்
தொந்தரவு தாளமுடியவில்லையென
மீண்டுமொரு
நிறமற்ற கோப்பையில்
நிறமுள்ள மதுவை
ஊற்றி நிரப்பி
இதழில் கவ்வி கவ்வி
இரவை போதையாக்கி
விடியலில் தெளிவுற்றப்போதுதான்
எனக்குத் தெளிந்தது
நேற்று....
நான் யாருமற்ற
புறக்கணிப்பு விடுதியில்
தனிமைத்தனலில்
ஏக்கத்தின் கோப்பைக்குள்
சாம்பலாகினேன் என.......!


**

-இரா.சந்தோஷ் குமார்  

மேலும்

கடந்த மாதம் ஜூன்  30 தேதியோடு இந்த “எழுத்து “ இணையத்தளத்தில் இணைந்து மூன்று ஆண்டுகளை நிறைவுச் செய்துள்ளேன். மூன்று வருடங்களில் நிறைய எழுதி பழகி இருக்கிறேன்.  நிறைவான படைப்புகளை படைத்திருக்கிறேன். . நிறைய தோழர்களையும்.. நிறைய ஆசான்களையும்.. இலக்கிய  புலமை வாய்ந்தவர்களையும் பெற்று இருக்கிறேன். கூடவே    நிறைய மனகசப்புகளையும் அடைந்து இருக்கிறேன்.  நிறைய பக்குவங்களை பெற்று இருக்கிறேன். சில நாட்களுக்கு முன்பு வரை இருந்த தோழர்களில் பலரும் இப்போது தளத்தில் எழுதுவதில்லை. நானும் கூட அதிக அளவில் படைப்புகளை பதிவு செய்ய இயலவில்லை. முன்பு இருந்த ஆரவாரம்.. பரபரப்பான இயக்கம், விமர்சன போர்கள், போட்டிகள் என எதுவும்  இப்போது இல்லை என்றாலும்.. எழுத்து தளத்தில் இன்னும் நான் மனநிறைவாக எழுதவே விரும்புகிறேன்.  உண்மையில் எழுத்து  அழகிய தமிழ் சொர்க்கம் தான் எனக்கு இப்போதும் எப்போதும். 


நன்றி ..! அனைவருக்கும்.. நன்றி..! 


-அன்பு நட்புடன்,
இரா.சந்தோஷ் குமார். 

மேலும்

கேள்வி-பதில் பகுதியில் விளக்கம் இருக்கிறது நண்பரே. அல்லது எழுத்துக்கு விடுகை அனுப்பி கேளுங்கள். அன்புக்கும் வாழ்த்துக்கும் நன்றி. 05-Jul-2016 9:32 pm
வாழ்த்துக்கள் தோழரே ..... 05-Jul-2016 3:50 pm
நான் இந்த இணையத்திற்குள் புதிதாக இணைத்துள்ளேன். நான் ஓரளவு கவிதை எழுதுவேன். எனது கவிதையை எப்படி பதிவேற்றம் செய்வது என தெரியவில்லை. எனவே தாங்கள் எனக்கு உதவி செய்யுமாறு கனிவுடன் கேட்டுக் கொள்கிறேன். 05-Jul-2016 3:50 pm
நன்றி தோழா..! 04-Jul-2016 11:19 pm

  மீன் பிடிக்கச் சென்றான்
கருவாடாய் திரும்புகிறான்.

--

வானம் நீந்துகிறது
தெப்பக் குளத்தில்..!

--
ஒரு பிணத்திற்கு
அஞ்சலி செலுத்துகிறது
நாளைய பிணங்கள்..!

--
வாழ்க்கை என்பது
மரணத்திற்கான தடம்..!

--
முடியாது என்று
ஒன்று உண்டு தம்பி..!
உன் நிழலில்
நீ நிற்க முடியாது

.--
**
இரா.சந்தோஷ் குமார்.  

மேலும்

அற்புதமான படைப்பு........ 08-Jun-2016 9:51 pm
தத்துவ முத்துச் சிதறல். அருமை நண்பரே. 08-Jun-2016 5:35 pm

எழுத்து நண்பர்கள் எல்லாரும் ஜனநாயக கடமையாற்றிவிட்டீர்களா ??..




நாமெல்லாம் கவிஞர்கள் , எழுத்தாளர்களுன்னு சொல்லிக்றோம்./ சொல்றாங்க
. எல்லாருக்கும் முன்னாடி நாம முன்மாதிரியா இருக்கனும் தானே.. ? 

  கடமை ஆற்றியவர்களுக்கு வாழ்த்துக்கள். ஆற்றாதவர்கள்...  தயவுசெய்து

வாக்குச்சாவடிக்கு... போங்க. மழை வந்தாலும்.. வெயில் அடிச்சாலும் பரவாயில்லை... குடை பிடித்தாவது வாக்களிக்க போங்க... ப்ளீஸ்...


--

இரா.சந்தோஷ் குமார். 

மேலும்

  நோட்டா எனும் எதிர்ப்பு குரல். 

 'நோட்டா' (NOTA-None Of The Above)  பட்டன், வாக்குப்பதிவு எந்திரத்தில், கடைசி வேட்பாளர் பெயருக்குக் கீழே பொருத்தப்பட்டிருக்கும்.அதாவது வாக்களிக்கும் தொகுதியில் போட்டியிடும் வேட்பாளர்களை நான் வெறுக்கிறேன் என பொருள்படக்கூடிய பொத்தானை அழுத்தி.. வாக்கு பதிவு செய்து.. வாக்காளர்கள் தங்கள் ஜனநாயக கடமையை நிறைவேற்ற தேர்தல் ஆணையம் வழங்கிய உரிமை.
ஒரு தொகுதிக்கு உட்பட்ட வேட்பாளர்களை மட்டுமல்ல.. ஒரு மாநில தேர்தல் களத்திலிருக்கும் எந்த ஒரு கட்சிகளையும் அதன் கொள்கை மற்றும் செயல்களை விரும்பாத ஒருவர் தனது எதிர்ப்புக் குரலை ஜனநாயக ரீதியாக.. சட்ட ரீதியாக  பதிவு செய்ய கிடைத்திருக்கும் வாய்ப்பு. இந்த வாய்ப்பு எவ்வாறு  தேவையற்றதாக கருத முடியும்.நோட்டா-விற்கு வாக்களிப்பது எவ்வாறு பொறுப்பற்ற செயலாக இருக்கும். ? 

நோட்டா வாக்குகளை விட குறைந்த அளவு வாக்குகளை பெறும் வேட்பாளர்களில் எவர் அதிக வாக்குகளை பெற்றாரோ அவர் வெற்றி பெறுவதாக தேர்தல் ஆணையத்தின் விதி சொல்லப்பட்டாலும். எதிர்காலத்தில் தன்னெழுச்சியாக மக்கள்  நோட்டா வாக்கு மூலம் 100 சதவீதம் நோட்டா வாக்குகளை பதிவு செய்யும் புரட்சி நிகழ்ந்தால்...? ஏன் நிகழக்கூடாது. தற்போது இருக்கும் அரசியல் வாதிகளின் அராஜகம் , கொள்கையற்ற கூட்டணி, சந்தர்ப்பவாதம்.. போன்றவற்றால் வெறுப்புணர்ச்சி அடையும் மக்களின் மனநிலை தொடந்தால் நிச்சயம் நடக்கும் ஒருநாள். 
நோட்டா அறிமுகப்படுத்திய போதே... வாக்காளர்கள் தங்களது எதிர்ப்புக்குரலை வாக்கு எந்திரத்தின் மூலம் காட்டினார்கள்.  சமீபத்திய உதாரணமாக குறிப்பிட வேண்டுமென்றால் 2014 ம் ஆண்டு நடைப்பெற்ற நாடாளுமன்ற தேர்தலில்.., தமிழ்நாட்டில் 39 தொகுதிகளின் மொத்த வாக்குகளில் 1.4 சதவீதம் (5,82,062) நோட்டா வாக்குகள் பதிவாகியது. தற்போது நடைப்பெறும் சட்டசபை தேர்தலுக்கான கருத்து கணிப்புகளிலும் நோட்டா வாக்குகள் 5  முதல் 19 சதவீதத்தில் பதிவாகும் என்பதாக கணிக்கப்பட்டிருக்கிறது. இது  ஒரு மாநில அல்லது தேசிய கட்சிக்கு கிடைக்ககூடிய வாக்கு எண்ணிக்கை.  இந்த சதவீதங்களை  கண்டு.. அரசியல் கட்சிகள் அச்சமடைய வேண்டும். இந்த நோட்டா வாக்கு சதவீதங்கள் தங்கள் கட்சிக்கு கிடைக்க  வேண்டுமெனில்.. நேர்மையான.. ஊழலற்ற ஆட்சியை கொடுக்க வேண்டுமெனும் பொறுப்பும் கடமையுணர்வும் வளரும். இந்த நோட்டா சதவீதங்களால் தோல்விப்பெறும் கட்சிகளும் சரி.. ஆளும் கட்சியாக இருந்தாலும் சரி.. தங்கள் தவறுகளை திருத்தி அல்லது முடியாத பட்சத்தில் அரசியலிருந்து ஒதுங்கி,... நல்லவர்களுக்கு , இளைஞர்களுக்கு அரசியலில் வழிவிட நிர்பந்திக்கப்படுவார்கள்.  ஆக நோட்டா வாக்கு என்பது ஜனநாயக ரீதியாக வாக்காளர்கள் கொடுக்கக்கூடிய எச்சரிக்கை மணி. 
நோட்டா வாக்கு பொறுப்பற்ற செயலாக இருப்பதாக எண்ணினால், எந்த வாக்காளனும் மெனக்கெட்டு வெயிலில்  காத்திருந்து வரிசையில் நின்று வாக்களிக்க முன்வரமாட்டார்கள் . பொறுப்போடு. தன் எதிர்ப்பை பதிவு செய்ய முன்வருகிறான். அரசியலில் மாற்றம் வரவேண்டும். பணநாயகம் மாண்டு.. ஜனநாயகம் புத்துணர்வு பெற வேண்டுமென. தேசப்பக்தியோடு... கடமையாற்றுகிறான். இது எவ்வாறு தேவையற்றதாக இருக்கமுடியும். 

நோட்டா என்பது வெறும் சொல் அல்ல. வெறும் வெறுப்புணர்வுக்கான பொத்தான் அல்ல.. ஆயுதம்.. வாக்காளனின் ஆயுதம்.. எதிர்ப்புக்குரல் பதிவு செய்ய கிடைத்த பொக்கிஷம். நோட்டாவினால் சாக்கடை அரசியல்.. புனித நதியாக மாறும். மாற்றம் நிகழக்கூடிய காலம் வெகுதூரம் இல்லை. வெகு அருகிலும் இல்லை. ஆனால் மாற்றத்தை நிகழ்த்தக்கூடிய சக்தி நோட்டாவிற்கு உண்டு.. உண்டு.... உண்டு..!

-இரா.சந்தோஷ் குமார்.  

மேலும்

முதலில் வாக்கு பதிவு செய்யுங்கள்.பின்பு நாக்கு கடித்து அரசியல்வாதிகளை விமர்சிக்கலாம்.

வாக்கு செலுத்தாமல் அரசியல்வாதி மீது தாக்குதல் தொடுக்கும் யோக்கியதை
நம்மில் யாருக்குமில்லை. 

உப்பு இல்லா பண்டம் குப்பையில்தானிருக்கும். !
நம் வாக்கு இல்லா அரசியல் சாக்கடையில் தான் ஊறிக்கிடக்கும் .!


- இரா.சந்தோஷ் குமார். 

மேலும்

மேலும்...

அதிகமான கருத்துக்கள்

மேலே