மேலும்

மேலும்

பாலாஜியின் ஹைக்கூ துளிகள் - மழை

"வெப்ப சலனம் வெளிவந்தாலும்
 மண்மகள் உடல் முழுக்க மணக்கிறதே !"
                                         - மழை முத்தமிட்ட வேளையில் .

"சாலையோர மரங்களுக்கு செந்நிற
 சாயமிடும் புழுதிக்காற்று - பொன்னிற 
 பசுமையை துளைத்த மரங்களின் புலம்பல்."
               - சலவை செய்ய வருமா மழை.

"மழை நின்ற பின்னும் சலசலப்பு 
  கோடையில் உயிர்விட்ட  ஓடைகள் 
  மறுபிறவி கிடைத்ததன்   மகிழ்ச்சி குரல். "
                         -மழையின் மழலைகள்.

"ஊட்டச்சத்து குறைந்த  புன்செய் தாய் பெற்ற
  பிள்ளைகளுக்கு பருவத்தே பாலூட்டும் செவிலித்தாய்."
                                    - மழையின் வளர்ப்பு மக்கள்.

"விவசாய பெருமக்கள் புரியும் தவத்திற்கு 
   வடகிழக்கு  பருவக்காற்று அளித்த வரம்."
                     - காலத்தே பெய்யும் மழை.
                                                                             - K.B.பாலாஜி

மேலும்