எழுத்து எண்ணம்
(Eluthu Ennam)
புதிய எண்ணம்
உறவு வரும் ஒரு நாள் பிரிவு வரும்
வரவு வரும் வழியில் செலவும் வரும் .
அன்பிற்குரிய தோழர் / தோழியரே ,
பிரியத்துடன் இணைந்திருந்த இந்தத் தமிழ் தளத்தில் இருந்து நான் பிரிந்து போகும் நேரமும் வந்தது .
இணைந்திருந்த நேரம் இனிமையான கவிதைகள் படைத்த , படித்த,கருத்துக்கள் பரிமாறிய,பாராட்டி மகிழ்ந்த நண்பர்கள் அனைவருக்கும் நன்றி .
இந்தத் தளத்தை அருமையான முறையில் வழி நடத்தி சிறந்த தமிழ்ப் பணி ஆற்றிடும் தோழர் அகன் அவர்களுக்கு என் பாராட்டுதல்களும் வாழ்த்துக்களும் . தளம் மேலும் மேலும் வளர்ந்தோங்க என் மனமுருகும் பிரார்த்தனைகள் .
நான் உறுப்பினராக இல்லாதபோதும் ஒரு வாசகனாக தளத்தை வலம் வருவேன் (...)
போட்டி நாள் அறிவித்துவிட்டு பதிவேற்றும் நாள் பிறகு வருவதில் ஒரு அனுகூலம் . மீண்டும் மீண்டும் மெருகேற்றிக் கொள்ளலாம் படைப்பை . ஆனால் அதுவே ஒரு அவஸ்தையும் கூட . மனதிற்குள் எப்போதும் குதியாட்டம் போட்டுக்கொண்டே இருக்கும் . குரங்காட்டியின் செல்லப் பிள்ளை போல !இறக்கிவைத்துவிட்டால் அக்கடா என்று அடுத்த கவிதை எழுதப் போகலாம் !!
கண்களைக் கவர்ந்திழுக்கிற மாதிரி கவர்ச்சிப் படங்கள் கருத்து பகுதியில் அரங்கேறுவது அதிகமாகிக் கொண்டிருக்கிறது .
தமிழ் கவிதைகள் , கதைகள் , கட்டுரைகள் , சிந்திக்க வைக்கின்ற கருத்துக்கள் அரங்கேறும் பகுதியாக இதை வைத்திருக்க நாம் அனைவரும் உறுதி ஏற்க வேண்டும்.அது ஒன்றே நாம் தளத்துக்கு செய்யும் பிரதி பலன் .
சுய கட்டுப்பாடு இல்லாத சுதந்திரம் அழிவுப் பாதைக்கு அடி கோலும் . தளத் தோழர்கள் அனைவரும் இந்தக் கருத்தை ஒரு குறை சொல்பவனின் முறையீடாகக் கொள்ளாமல் கரிசனம் கொண்ட தோழனின் கருத்துரையாகக் கொள்க. நன்றி .
தளத்தில் 'தமிழ் படி ' தலைப்பில் எழுத்துக்கள் மற்றும் எண்கள் குறிப்பிடப் பட்டுள்ளன. தளத்தில் எழுதுமளவு தமிழ் கற்றவர்களுக்கு உபயோகமாகும் வண்ணம் சீர், அசை மற்றும் கவிதை இலக்கணம் சேர்த்தால் மரபுக் கவிதை எழுதும் ஆர்வம் அதிகமாகுமே ? நம் தளத்தில் இருக்கும் தேர்ந்த மரபுக் கவிஜர்களே இதற்கு உதவலாம் .