எண்ணம் சமர்ப்பிக்க Login செய்யவும்.

​நாம் நாளிதழ்கள் மற்றும் ஊடகங்கள் மூலம் சில முக்கிய...

​நாம் நாளிதழ்கள் மற்றும் ஊடகங்கள் மூலம் சில முக்கிய  செய்திகளை காண முடிகிறது .​ ஒரு சில அறியப்படாதவை வேறு சில கட்டாயம் அறியப்பட வேண்டியவை . அவற்றுள் ஒன்றுதான் , தமிழக மாணவர் மாணவிகள் வெவ்வேறு துறையில், தேசிய அளவிலும் உலகளவிலும் படைத்திடும் சாதனைகள் . கல்வியிலும் , விளையாட்டுத் துறையிலும் , மேலும் பல்வேறு வழியில் உச்சத்தை தொடுகிறார்கள் என்பதை நினைக்கும்போது பெருமையாகவும் ,மகிழ்ச்சியாகவும் இருக்கிறது, பாராட்டவும் தோன்றுகிறது . அதில் கவனிக்கப்பட வேண்டிய ஒன்று , பலரும் மிகவும் ஏழ்மை நிலையிலும் , அனைத்திலும் பின்தங்கிய நிலையிலும் , மாறுபட்ட குடும்ப சூழலிலும் , மற்றும் சிலர் மாற்றுத் திறனாளிகளாகவும் இருப்பது கண்டு  மனதை நெருடுகிறது மட்டுமன்றி வாட்டமடையவும் செய்கிறது . 



ஆனால் அது போன்றவர்களை இந்த சமுதாயம் காப்பாற்றவும் , அவர்களின் முன்னேற்றத்திற்கு வழிவகைகள் செய்வதற்கும் முற்படுகிறதா என்றால் நிச்சயம் இல்லை . அரசாங்கமும் ஓரளவுக்கு பண உதவியும் மேன்மேலும் அவர்கள் உயர்ந்திட , தமது நிலையை தக்கவைத்துக்கொள்ள உதவிகள் செய்வது மறுக்கவில்லை . ஆனால் அந்த உதவியும் அனைவருக்கும் கிடைப்பதில்லை . ஏன் சிலரை கவுரவிப்பதும் இல்லை . தமிழர்கள் பலர் வெளிநாட்டிலும் பல சாதனைகள் படைக்கின்றனர் . அவை அனைத்தும் நமக்கு தெரியாமல் போய்விடுகிறது . ஒருசில சமூக வலைத்தளங்கள் மூலமாக பகிரப்படுகிறது . அப்படி வெளிச்சத்திற்கு வந்தவர்களைவிட , இன்னும் இருட்டிலேயே உள்ளவர்கள் அதிகம் . அவர்களை நினைத்தால் மிகவும் வருத்தமாகவும் உள்ளது . 


தற்போது சிலரை நமது அரசாங்கம் அடையாளம் கண்டு கவுரவித்து , விருது வழங்கி , பணமுடிப்பும் அளிப்பது நெஞ்சத்தை குளிரவும் செய்கிறது . மறுக்கவில்லை . ஆனால் அதே போன்ற நிலை சாதனை படைக்கும் , படைத்த அனைவருக்கும் அளிக்க வேண்டும் என்பதுதான் எனது விருப்பம் . சமுதாயத்தில் உள்ள பல செல்வந்தர்களும் , கோமான்களும் , உயர்பதவியில் உள்ளவர்களும் , தொழில் அதிபர்களும் தாமே முன்வந்து அவர்களுக்கு உதவிட , வாழ்வில் ஏற்றம்பெற உதவிட வேண்டும் என்பது என்னைப்போல பலரின் கோரிக்கை . 


சில சாதனையாளர்களின் தற்போதைய உண்மை நிலையை அறிந்ததால் , இந்த எண்ணத்தை பதிவிட நினைத்தேன் .

       பழனி குமார்               

நாள் : 18-May-19, 10:11 pm
மேலே