எண்ணம் சமர்ப்பிக்க Login செய்யவும்.

கேள்விக்குறியாக தெரிகிறது -------------------------------------------------------- அரசியல்வாதிகள், அதிகார வர்க்கங்கள், ஆதிக்கச்...

கேள்விக்குறியாக தெரிகிறது

--------------------------------------------------------

அரசியல்வாதிகள், அதிகார வர்க்கங்கள், ஆதிக்கச் சக்திகள், ஆட்பலமும் பணபலமும் கொண்ட கூட்டம், சமூகத்தைச் சீர்குலைக்க நினைத்து ஆயுதம் ஏந்தி வலம் வந்து கொண்டிருக்கும் தீயசக்திகள், இப்படி பலரும் தம்மிடம் அனைத்தும் இருக்கிறது என்ற இறுமாப்பில் மிதந்து திரிகிறார்கள். ஆனால் இவர்களின் எண்ணம் என்றும் நிலைக்காது என்பதை உணரவில்லை . நிரந்திரமிலா வாழ்வில் ஏதும் நிரந்திரமில்லை என்பதும் அவர்களுக்கு புரியவில்லை .

இவர்களால் நாட்டுக்குக் கேடுதானே தவிர நன்மைகள் ஏதுமில்லை. இது வேடிக்கைப் பார்த்துக் கொண்டிருக்கும் நாம் அறிந்த உண்மை . ஆனாலும் நம்மால் ஒன்றும் செய்ய இயலவில்லை என்பது வருத்தத்திற்குரிய ஒன்று. நாம் காணும் இன்றைய நம்நாட்டு பொருளாதார சூழ்நிலையும் , அனைவரும் ஏதோ ஒரு வழியில் அல்லல்படும் நிலையும் நம்மை ஏக்கமுடன் கலங்கிடவும் வைக்கிறது . ஆழ சிந்தித்துப் பார்த்தால் , அடுத்த தலைமுறையின் நிலை இன்னும் பரிதாபத்துக்குரியது. மேலும் வலியை உண்டாக்குகிறது . ஆனால் இதனை இன்றைய வளரும் இளைய சமுதாயம் சிந்திக்க தவறுகிறது என்பது கொடுமையான ஒன்று.சிலர் இன்றைய பொழுது கழிந்தால் போதும் என்கிற மனப்பான்மையிலும் , வேறு சிலர் நாம் ஏன் அதைப்பற்றிக் கவலைப்பட வேண்டுமென பொறுப்பின்றிப் பேசுவதும் அவர்களின் அறியாமையை காட்டுகிறது .

இவ்வுலகில் வந்தப்பிறந்த நாம் அனைவரும் தான் வாழப்போகும் காலத்தை அறியோம். வாழ்ந்த காலத்தில் நாம் பண்பாட்டுடன் , சீரிய எண்ணத்துடன் , நாம் மட்டுமன்றி மற்றவருக்கும் பயனுள்ளதாக அமையும்படி வாழ்ந்துக் காட்டுவதும் , அதற்கேற்ப செயல்படுவதும் தான் வாழ்வியல் அறம் என்பதை உணர வேண்டும் .

சுழன்றுக் கொண்டிருக்கும் சுயநல பூமியில் வருங்காலம் என்பது வளைந்து குனிந்துக் கொண்டிருக்கும் (?) கேள்விக்குறியாக தெரிகிறது , நிமிர்ந்து நின்றிடும் ( ! ) ஆச்சரியக் குறியாக மாறிட வேண்டுமென்பதே எனது ஆவல் .

பழனி குமார்
26.08.2019