என்றுமே துணையாக
பிரியாத நிழலாக
என் வாழ்வின் அங்கமாக
ஒளிரும் எந்தன் தேவதையே ..!!!

இருள் கொண்ட இரவுகளில்
பயம் போர்த்திய நிசப்தங்களில்
உன் விரல் பிடித்து உறங்கிய தருணம்
மீண்டும் வாழ்வில் வந்துடுமா ???

விழியிலே வார்த்தைகள் கோர்த்து
சிரிப்பாலே இசை அமைத்து
எனக்காக பாடிய கீதங்கள்
மீண்டும் காதில் கேட்டிடுமா ???

ஒரு புறம் என் தாயாக
மறுபுறம் என் தோழியாக
வாழ்வில் என்றும் இருந்திட கேட்டால்
உடனே வரங்கள் தருவாயா ???

-தமிழ் தாயின் மகள்

மேலும்

சுதந்திர தாயகத்தில்..,
பேசுவதற்கு உரிமையுண்டு
நல்லவற்றை அல்ல,
கேட்பதற்கு உரிமையுண்டு
ஊழலை அல்ல ,
எழுதுவதற்கு உரிமையுண்டு
புரட்சிக்காக அல்ல ,
எவ்வாறாக இருப்பினும்
எழுவதற்கு உரிமையுண்டு
ஒன்றுபட்டால் ..,

இரவில் கிடைத்ததாலோ என்னவோ
நம் கண்களில் இன்னும்
இருள் மறையவே இல்லை
ஒளி கொடுக்க எழுவோம் ...
வெள்ளையனை வெளியேற்றிய பின்னும்
ஜாதி மதங்களை வெளியேற்றவே இல்லை
சமத்துவம் நிலவ எழுவோம்...
அனைத்திற்கும் தடை உடைந்த போதிலும்
நீதி தேவதையின் விலங்கு உடையவே இல்லை
தராசு சரியாமல் இருக்க எழுவோம்...


கண்டும் காணாத கண்களை தவிர்ப்போம் .,
பொய் பேசும் சொற்களை தவிர்ப்போம்.,

மேலும்

உலகம் இதுவென
உணர்த்திய என் நண்பன்...
புத்தகபாடம் நடத்திய போது
வாழ்க்கைபாடம் கற்பித்தவன்...
பிழைகள் பல செய்தால்
கனிவாய் கண்டித்தவன்...
கண்ணீர் துளிகளை
தோள்களில் சுமந்தவன்...
இடியென மிரட்டி
மழையென பொழிபவன்...
விடியாத இரவுகளுக்கு
ஒளி தந்தவன்...
காலம் பிரித்தபோதும்
நினைவுகளில் நிலைத்திருப்பவன்...

மேலும்