பயணம்....

வாடாகண்ணு என்று
வாயார அழைத்தவர்..
கருவாட்டுக் கொழம்பு
பிடிக்குமின்னு
கண்தூங்காது காத்திருந்து
வீட்டுப்பக்கம் போறப்ப
சாப்பிடவெச்சு மனம் நெறஞ்சவர்..
வீட்டுல பலகாரம் செஞ்சுப்புட்டா
ஓடோடிச்சென்றுதர
உள்ளங்குளிர்ந்தவர்...
பட்டணத்துல படிக்கிற நீ
என் உசிரு போச்சுதுன்னா
நீ கண்டிப்பா வரணும்கண்ணு என்றவர்..
மறைவுச்செய்தி கேட்டு
தூரங்களைக்கடந்து
ஊர் சென்று சேர்ந்தப்போ..
பாட்டியின் பயணம் முடிந்து
உடலும் மறைந்திருந்ததை
அறியத்தான் முடிந்தது..

- இளங்கதிர்
01.07.2021

மேலும்

பயணம்....

வாடாகண்ணு என்று
வாயார அழைத்தவர்..
கருவாட்டுக் கொழம்பு
பிடிக்குமின்னு
கண்தூங்காது காத்திருந்து
வீட்டுப்பக்கம் போறப்ப
சாப்பிடவெச்சு மனம் நெறஞ்சவர்..
வீட்டுல பலகாரம் செஞ்சுப்புட்டா
ஓடோடிச்சென்றுதர
உள்ளங்குளிர்ந்தவர்...
பட்டணத்துல படிக்கிற நீ
என் உசிரு போச்சுதுன்னா
நீ கண்டிப்பா வரணும்கண்ணு என்றவர்..
மறைவுச்செய்தி கேட்டு
தூரங்களைக்கடந்து
ஊர் சென்று சேர்ந்தப்போ..
பாட்டியின் பயணம் முடிந்து
உடலும் மறைந்திருந்ததை
அறியத்தான் முடிந்தது..

- இளங்கதிர்
01.07.2021

மேலும்

நிறம்

கறுப்பர்கள் தீண்டத் தகாதர்வர்களா
வெளுத்தவர்கள் உனக்கு வேண்டியவர்களா

வெளுத்தவர்கள் சிறைக்குச்சென்றதில்லையா
கருத்தவர்கள் பெருமை பெற்றதில்லையா

கழுத்தில் மிதிக்கும் வெள்ளையனே
கொழுப்பா உனக்குக் கொடூரனே

நெல்சன் மண்டேலாவின் உயரம் தெரியுமா
வெள்ளையன் பாராட்டிய விசயம் தெரியுமா

இரத்தத்தில் ஏதடா கருப்பு வெள்ளை
பித்தத்தில் உனக்கு பார்வை இல்லை

கருப்பு இல்லாமல் வெளிச்சம் ஏதடா
வெறுப்பு இல்லாமல் வாழப் பழகடா

கண்கள் இருந்தும் நீயும் குருடடா
எங்கள் கறுப்பினம் என்றும் மேலடா

மேலும்

நிலவுக்கு
இரு பயணச்சீட்டுகள்
வாங்கினேன்....
வாகனம் புறப்படும் வரை
வரவில்லை நீ
வாங்கினேன் ....
மீண்டும் ஒரு பயணச்சீட்டு ......
சூரியனுக்கு.

மேலும்

பகலின் பழிவாங்கலை
உள்வாங்குகிறாயோ ?
உயிரிழப்புகளை
உணர்வேட்டினுள் பதிவிடுகிறாயோ?
வறுமையின் வீரியம்
குறைய வருடிவிடுகிறாயோ ?
காதல் தோல்விகளை
கனவுகளுக்குள் மூழ்கடிக்கிறாயோ ?
ஆதரவில்லாத பெற்றோரை
அரவணைக்கிறாயோ ?
காவல் அடக்குமுறைகளை
கண்ணீரால் கழுவிவிடுகிறாயோ ?
அடுத்தவேளைக்கு உணவில்லாதோர்க்கு
இது உறங்கும் நேரமென
உத்தரவிடுகிறாயோ ?
உனது வெளிச்சமற்ற பயணம்
மனிதர்க்கு மகிழ்ச்சியைத் தரட்டும்.

மேலும்