தை மகளே… வருக !
தை மகளே...
தமிழர்களுக்கு நல்வழி பிறக்க
நீ வருக!
தை மகளே...
எம் குல மக்களை காத்திட
நீ வருக!
தை முதல் நாள்
தமிழர்களின் திருநாள்
உழவர்களின் பெருநாள்
நீ வருக!
தமிழர்கள் இயற்கைக்கு
விழாயெடுக்கும் இனிய நாளே
நீ வருக!
தமிழன் இல்லாத நாடில்லை
தமிழனுக்கென்றொரு நாடில்லையென்பதை போக்கிட
நீ வருக!
உலகிற்கு உணவளிக்கும்
உழவனுக்கு மகிழ்வளிக்கும் பண்டிகையே
நீ வருக!
தமிழர்களின் தேசிய திருநாளாம்
பொங்கல் திருநாளே
நீ வருக!
அனைவருக்கும் மகிழ்ச்சி தருக!
