உள்ளக்கிடக்கைகள்
உள்ளக்கிடக்கைகள் ஒன்றா இரண்டா
ஓராயிரம் உண்டு மாறுபட்ட மனனங்கள்
மழையோ இல்லை மக்களவை தேர்தலோ
சாதியோ இல்லை சமய சண்டையோ
சாகா காதலோ இல்லை செத்துப் போதலோ
வேண்டும்! இல்லை! இல்லை! வேண்டாமென
வெறி கொண்டு அலையும் மாந்தர்-இவர்
வேட்கை கண்டு வெட்கியே இறைவன்
முரண்பட்ட வேண்டுதலை மொத்தமாய்
மூடமனிதர் வேண்டாம் என வெறுத்தானோ ?
காற்றாய் கரைந்து மறைந்தானோ இல்லை
கல்லாய் அவனியில் உறைந்தானோ?
