நின்னை சரணடைந்தேன்

இருள் நிறைந்த உலகிலேயே
இடம் தந்த இனியவளே-உன்
இரத்தத்தை ஏனக்களித்து
இதயத் துடிப்பை துவக்கியவளே...

அவள் உயிரில் என்னை பிரித்து
உயிர் அளித்தாள் எனக்கும்
உயர்வான உறவான அம்மா!!!
என்று என்னை அழைக்கவைத்தாள்

பாலுட்டி பாசம் காட்டி
மடியில் சுமந்தாள் என்னை
இவளின் நீதிமன்றத்தில்
என்றும் தான் நிரபராதி

உணவு உண்ண மறுத்த என்னை
நிலாவை காட்டி ஏமாற்றிய தாயே
நீ இல்லாத வெற்றிடத்தை
தமிழ் நிரப்பும் என்று எப்படி நம்பினாய்...

தான் விட்டு போனாலும்
தமிழ் விட்டு போகமல் இருக்க
தாய் பாலும் தமிழ் பாலும்
கலந்தளித்தாள் எனக்கு

உன் பாதச் சுவடுகளை
மண்ணுலகும் விண்ணுலகம்
தேடி அடைந்து என் தெய்வம்
நின்னைச் சரணடைவேன்...