தூய்மை இந்தியா

சுத்தமான சுகாதாரமான
வாழ்க்கை சூழலை
ஏற்படுத்தவே
தூய்மை இந்தியா இயக்கம்

ஒரு கை தட்டினால்
ஓசை வருவதில்லை
ஒருமரம் தோப்பாவதில்லை
ஓரே வீடு ஊராவதில்லை
எல்லோரும் கூடி கூட்டினால்
தூய்மை இந்தியா இயக்கம்
சிறப்பாகும்

அண்ணல் காந்தி மகானின்
150வது பிறந்தநாளில்
அவர் கண்ட தூய்மை பாரதம்
நிறைவேரினால்
நமக்கும் நிம்மதி
நம் எதிர்கால சந்ததியினர்க்கும்
சுகாதார காற்றை சுவாசிக்கும்
யோகம் உண்டாகும்...

வீட்டுக்கொரு
கழிப்பிடம் கட்டுவோம்
வீட்டுக்கொரு மரம்
வளர்ப்போம்
உறுதி எடுப்போம்
வெட்ட வெளியில்
மலம் கழிப்பை ஒழிப்போம்
மனிதன் நினைத்தால்
முடியாதது எதுவுமில்லை...

புரியாதவர்க்கு
புரியவைப்போம்
பாமரனுக்கு உணரவைப்போம்
கண்ட இடங்களில்
எச்சில் துப்புவது
நம்மீது நாமே எச்சில்
துப்பிக்கொள்வதற்கு சமம்

புறம் சுத்தமானால்
அகம் சுத்தமாகும்
அகம் சுத்தமானால்
சிந்தனைகள் சுத்தமாகும
சிந்தனை சுத்தமானால்
செயல்கள் சுத்தமாகும்
நம் செயல்கள் சுத்தமானால்
இந்தியா வல்லரசாகும்...

சிந்தித்து செயல்படுவோம்
நாளைய பாரதம்
நம் கையில் தூய்மையான
பாரதமாக....